小心感冒

近排小弟好多朋友都勁感冒，果種感冒唔係話自己食感冒藥搞得掂果種，而係會發燒、喉嚨痛似火，用正常OTC藥都唔見得搞掂果隻，好多人都侷住要請病假休息。我上個月都喉嚨勁痛，都係要去聖保祿醫院睇門診至搞掂。

我咁講，為你嘅同事、朋友健康著想，有感冒儘量請假，否則會累街坊。同埋，得閒就打流感疫苗，無必要唔好食活雞活鴨，唔去食有活雞活鴨賣嘅街市，你完全唔知近排中國有乜古怪病毒流行緊，屋企有定口罩、火酒等傍身，有備無患。

今年中國地區天氣異常寒冷，簡直係流感同沙士溫床。