食咁多抗組織胺嚟做乜

小弟屬長期敏感病人，需要食抗組織胺藥，醫生長期忠告小弟，一天內只可以食一種抗組織胺加偽麻黃鹼的複方藥物，而且無乜症狀果陣可以停藥。因為食得太多抗組織胺藥係唔好，而小弟一直一日只吃一種，最多一粒抗組織胺。

但今期《壹週刊》報導班私家醫生，真係黐晒線，點解可以一位病人，連開三隻抗組織胺藥物，根本大部分情況，一種已經夠皮，而且真係止鼻塞，而偽麻黃鹼，而唔係抗組織胺，抗組織胺只係用嚟收鼻水，無乜治療功效。真係要幫感冒傷風病人，可能真正有治療效果係維他命C，因為其他都只係紓緩症狀。

香港班私家醫生再咁亂開藥落去，醫藥真係要儘早分家。

後話：不過香港病人，自己都有責任替自己食的藥把關，成班膠人為求快快「病好」，成日要醫生開「重藥」，實際上係亂開藥。香港需要多一些藥物使用教育，例如至少知道感冒不應用抗生素治療，抗生素點叫食完療程避免抗藥性，至少知道，邊些藥唔好亂食。香港有些私家醫生，膠到開唔足療程抗生素，又唔提醒病人，萬一惹到有抗藥性的細菌，邊個負責？