低能的煙稅爭論

港 大 醫 學 院 支 持 政 府 提 高 煙 草 稅
2009-03-17 HKT 11:20
港 大 醫 學 院 促 請 政 府 堅 持 提 高 煙 稅 政 策 , 認 為 有 助 保 障 公 眾 衞 生 以 及 減 少 煙 民 人 數 。
港 大 醫 學 院 社 會 醫 學 系 系 主 任 林 大 慶 指 出 , 有 立 法 會 議 員 打 算 動 議 反 對 提 高 煙 草 稅 , 無 助 改 善 公 眾 衞 生 , 亦 不 能 減 輕 低 收 入 人 士 的 負 擔 。

林 大 慶 認 為 , 根 據 調 查 , 低 收 入 人 士 的 吸 煙 比 率 , 達 到 近 29% , 較 文 職 及 專 業 人 士 高 出 超 過 10 個 百 分 點 , 調 高 煙 草 稅 可 以 降 低 市 民 買 煙 意 慾 , 又 可 以 減 少 買 煙 開 支 。

他 又 引 用 數 據 指 , 煙 草 稅 的 收 益 , 不 足 以 彌 補 因 為 吸 煙 而 導 致 的 社 會 及 醫 療 開 支 。

小弟係好憎人吸煙,亦因氣管敏感問題絕對唔食得煙,不過,我認為近日對煙稅的討論,支持加煙稅的人已經去到白痴的程度。

首先,煙稅能有效減少吸煙比率的前提係no alternative,如果呢個世界無私煙的存在,咁煙民確係只能係吸定唔吸作出抉擇,但現實世界唔係咁,呢個世界係有私煙,煙稅越高,吸私煙的誘因越大。而喺香港嘅硬膠問卷調查,你認為受訪者會誠實答你佢地買咗私煙咩?

煙草稅收益補唔補得番吸煙導致社會及醫療開支,真係要再研究,不過,如果真係要減少吸煙,唔該政府好似向道友提供美沙酮咁,向尼古丁成癮人士派尼古丁糖,或者好似肺癆診所咁,設立針對低收入人士嘅免費戒煙診所,提供一些現有證明有成效嘅處方藥物,例如葛蘭素史克的Zyban、輝瑞的Chantix(但呢隻藥有可能唔適合個別人士,例如機師),問題係,政府又縮骨,要自費買尼古丁補充劑,有成兩成煙民最後係脫逃。(參考明報去年五月的報導),曾俊華加煙稅,不如叫周一嶽減人工實際好多,反正佢就快搞到每日有一鑊,佢可以開個blog叫每日一鑊,被人叫周一鑊無改錯名。

成班硬膠以為加煙稅可以減少吸煙,我諗依家最高興,係果班私煙佬。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.