再融資要融得快

世界日報:融資吃緊 企業釀爆煲潮

呢篇上個月廿五日嘅報導,係各位評估公司穩健程度嘅指標,如果未來幾個月,企業可以成功再融資嘅,重組晒手上嘅貸款組合,咁公司係安全,如果手上成堆貸款嘅公司,未來幾個月都仲係融唔到資,如果第二波金融海嘯打到嚟果陣,小弟祝佢地好運。

亞太區各大企業(唔計日本)要成9000億港紙去再融資,唔係講玩,依家邊有咁多Cash俾你再融資?所以近日如果有公司宣布成功再融資,應該係一個穩陣嘅訊號。

4 thoughts on “再融資要融得快

  1. 黃兄,我對市場無認識,我有野唔明。
    大公司都可以講大話,話自己成功融資,會唔會出現這種情況。

  2. 大公司係好難講到大話,因為除了銀團貸款,大公司,特別係藍籌級數,好多時會發Preferred Share或者Bond、Note之類的證券化融資工具,如果係融唔到資,就會立即反映在Credit Default Swap市場上,即係引班投機者賭你破產。亦CDS被人狂賭,就會大大影響債券價格。

    但係暫時大地產公司而言,係領匯房地產基金今天有公布,表示以三十億無抵押銀團貸款,取代原有廿七億今年到期的有抵押貸款同雙邊貸款。

  3. 我仲要補充一點,香港有間地產公司,係唔需要去評估佢的融資能力,呢間公司叫港鐵,因為港鐵大股東係香港政府,基本上港鐵的信貸能力係同香港政府的財政實力掛鈎。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.