特膠政府膠到上聯合國

香港蘋果日報:拆 尖 沙 嘴 巴 士 總 站 鬧 上 聯 合 國 論 壇

特膠政府班膠官,肯定唔知巴士迷同保育人士結合嘅力量,足夠玩到你謝。上鋪皇后碼頭事件唔知教訓,如果堅持要拆尖沙咀巴士總站就實聽膠鋪勁。

唔計保育角度,就由交通大戰略角度,拆尖沙咀巴士總站益地產商呢個決定,都係膠到震。

依家在中環同灣仔北嘅人,過海係比較多選擇,就係因為天星碼頭,坐天星去尖沙咀,唔只係去尖沙咀,依家由尖沙咀碼頭開出嘅1A係有人坐,唔單只比較平,而且坐船唔塞車兼有位坐,就係一大優點。依家天星載客量係552人(世星可以去到762人),繁忙時間6分鐘一班,一小時可以載到5520人,灣仔航線同中環航線已經有11000人的運輸力,如果無巴士接駁,用唔到盡呢11000人的運輸力,依家港鐵已經變成沙甸魚,乜特膠政府係賣沙甸魚罐頭嘅咩?

要解決九龍和香港之間通勤的運輸力作戰問題,渡輪服務是不可或缺嘅一環,因為維港不會塞車,在相比較下,這也是一個可以考慮的提升運輸力方案。但要乘客選擇渡輪,渡輪與巴士之間的接駁配合,例如在尖沙咀碼頭加設特快線總站或落客站等就很重要。可惜,將人當一盤盤桔嚟運嘅運吉署,除非立例規定,運吉署所有高官不准擁有私家車,否則都不可能令他們解決問題。

3 thoughts on “特膠政府膠到上聯合國

  1. 係尖沙咀巴士站坐天星過海去中環同灣仔係好方便, 根本唔駛坐地鐵, 上層都係收$2.2; 下層收$1.7, 平到爛, 加上又有海風吹埋黎都幾舒服, 而且都係5分鐘船程!!! 來回都唔超過5蚊, 班膠官同發展商想同市民為敵, 無問題, 睇下邊度多人先啦!!!

  2. 咪以為天星小輪好少人搭,之前搬左個尖沙咀火車站就已經趕晒原本搭小輪既乘客去搭隧巴,依家再搬埋巴士站,又趕埋剩低既人,直頭膠到爆。睇落正苦其實想玩謝港鐵、三間巴士公司同埋佢地既乘客。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.