藏區事變有可能重演四川保路風潮

由近日西藏地區(西藏自治區、青海、四川西康地區)的事態發展來看,由西藏的事變激發中共無預警倒台的可能性存在。

先回顧四川保路風潮的歷史,由四川鐵路胡亂國有化,由原本立憲派主張和平抗爭,到了1911年8月激化成四川各地人民全數罷工罷市,玩膠玩到底。後來四川總督膠到槍殺民眾,當地羌、藏、漢三族民眾齊齊反,清王朝政府要派大量軍隊入川應付已經變了革命黨的立憲派和革派聯盟,卒之在武漢因為一個倉卒的自保行動,清王朝硬膠地結束。

依家藏區情況很類似,由於達賴喇嘛返國問題搞極都搞唔掂,加上鎮壓太勁,結果藏區人民頂唔住,反應由1911年8月四川情況惡化的源出一轍,小弟相信,中國共產黨會大量調兵入重慶、四川、青海、西藏等地,鎮壓藏民。

問題係漢人地區根本都不太平,地震災區豆腐渣學校家長等已經是一股反抗力量,川東和重慶市郊地區維權問題,貪官問題成堆未解決,換言之,加上有萬州事件等大型反抗的前科,換言之,只要四川有官員硬膠,就有可能成件事一發不可收拾,輕則中國西部新疆、西藏、四川齊齊膠,膠到中國國力元氣大損,重則突然來個突發革命,只要有中共高層決定唔玩黨內權爭,改為想做現代袁世凱,中共政權就係咁先。當然中共咁瓦解法,只會得個膠字,情況絕對唔會俾依家胡錦濤咁管法來得好。

依家中國穩定?要穩定中國和西藏局勢的戰略時機一早錯過,錯誤點糾正我都想知。

12 thoughts on “藏區事變有可能重演四川保路風潮

  1. 現階段暴露的資訊來看. 機會看來還是很小

    達賴話三月有事還未對現

    可以預計再次封鎖消息就係大件事了.

  2. 真的如持書者所說的,Martin兄的立場在現階段如果在西方的公開場合講出的話,一定會被人嘲諷為天方夜譚,因為表象"尚未太嚴重到連外國觀察家如美國的Glenn Reynolds,澳洲的Tim Blair,章家敦等都知道事態不妙"。小弟在上星期才被一工作同事問"中國"(當然是中華人民共和國)會不會是世界經濟的救星(因為當天早上紐西蘭TV1的金融節目提到這問題)。

    如果小弟真的據實復述Martin兄的立場,會嚇死很多人。我諗真係要到出大事的時候我們才知中共國還有多久。

  3. 為甚麼清國向洋國簽的降書,”中國人”不承認,但是清國打敗鄰國霸佔土地,”中國人”就強要鄰國百姓承認呢?

    蠻不講理,是人嗎? 是獸吧,還是”三陸”牌呢!
    虛僞狡詐一如撒但之徒.”眼前盡妖魔”乎.

  4. Joel 兄:

    簡單講,大陸同美帝宜家好似拍緊《24》咁,同時間鬥快。

    之前你響另一個 comment 都提過,宜家歐美經濟大崩壞,一褲都係,其實係大陸稱霸嘅最好時機;但大陸本身爆炸性崩潰嘅危險,又實在太難估 – 中國人對改革/革命嘅 learned hopelessness,同埋畏懼有組織暴力嘅心態,真係估唔到幾時會 max out 爆煲 (因為宜家已經係 historic high)。放眼時局,都頗有「天下之大,無處容身」之感。

  5. 大陸之所以不稱霸. 就係因為體制上根本就不存稱霸的條件

    我們人民得到的資訊之少. 想來領導得到的也不是事實的全部.<-這就是為甚麼中國常會有所謂無預警倒台的原因.

    btw 歐美的金融崩潰本來就是同一樣的原因. 其實不是來得很快. 而是大小投資者都根本就無法得到正確的資訊.

  6. P_L兄,西方的人幾乎冇人知同埋冇人信大陸本身可能爆炸性崩潰。舊年呢個時候西方大家仲喺度講中共大國崛起,而家嗰啲人就話中共係就係會喺經濟上驚濤駭浪四起,不過會大步檻過,然後大步成為21世紀領導世界大國。

    中共最大的問題就係所有的發展成果收入幾乎唔係入咗國庫/政府,就是去咗幹部的褲袋裡。99%的人唔夠亦都唔願意沊血汗錢/棺材本去消費,1%的肚滿腸肥的人冇可能帶動內需(因為他們對Made in China的東西的demand已經飽和),其他的新興經濟體根本上喺度搶中國的生產,亦都冇可能完全取代萎縮的西方demand。小弟倒相信,可能奧巴馬搞壞美國經濟,連帶歐洲蕭條,最後竟然4至5年萎縮的中國經濟帶動中國動盪,中共倒台。一個共產黨政府竟然畀一個西方左派的人喺冇心之下搞垮,真係諷刺。

  7. 這觀點實在是太膠了…
    共產黨的實力跟滲透性不是昔日的清朝庭可比
    仍然有太多人是跟著共產黨吃飯的 (一眾黨委黨機關成員以及依賴他們生存的勢力)
    他們不會容許自己的米路被斷的

  8. To KC:

    如果依家仲係毛澤東、周恩來,甚至鄧小平年代,我唔會對共產黨實力、滲透性,以及官員間依存關係有懷疑。但依家地方政府基本上就是土皇帝,不比羌族土司好太多。

    過去二十年江澤民、胡錦濤為了經濟發展,係不斷在中央控制權上作出重大退讓。

  9. 諸位所言甚是.在經濟層面,目前大陸情況比歐美好,看看內銀股及保險股H股股價便知.但出口減少,外貿收益減少,工廠訂單減少令農民工就業成為頭號問題.中國的社會保障如何落後不用多講,農民工權利有多少大家也心裡有數.在此情勢下,如何擴大內需,尤其是農村地方的內需,我真的不知.成功的機會可能少過五成.

    在社會層面,更是危機四伏,彊獨,藏獨之流血事件,城鎮中的深層次矛盾,絕對是火藥庫,中共的系統沒有化解這些深層次矛盾的能力.再出現第二個楊佳,後果真的不敢想像.

    表面平靜,甚至暢旺,但內裡真危機四伏.沒有這個Mind Set,到時有什麼無預警倒台的信號,是看不到的.即使看到,是否應變得到,這是困難在在.

  10. 不可能擴大內需的.
    大陸好多廠造出來既野都係用來出口的.
    擴大內需? 叫果d賺幾百蚊一千蚊既廠仔廠妹個個月
    買對成千蚊的nike波鞋嗎?
    d 廠執左佢地只會更加hold起d錢唔銷費.
    “加大銷費促進經濟”只係對d仲有野做又讀過下書既白領有用, 民工啋你都傻啦.

    我就點都唔信大陸過到呢關.

  11. 把舊文重新提起,因為小弟看見孫柏文兄的有關中國財經的大文有點心寒:

    magiccello兄在上面提到大陸股價係咁升,在表面上看經濟層面暫時還大好。孫柏文揭開了謎底:"點知,一出祖國第一季貸款數字,先知股市升,係啲人被迫借錢後,谷咗入個股市。迫銀行放水谷股市-當銀行被迫亂借錢畀人,令貸款喺3月比舊年升6.6倍時,可以同時令股市今年至今升39%。",即係話,連"暫時看經濟層面還好的"這個前題都只係堆砌出來的海市蜃樓嚟嘅,一旦外來資金/熱錢一走,爆煲。

    (source http://phatdat.blogspot.com/2009/04/61.html

    再看一下孫柏文另外一篇文章講大陸嘅銀行被當局命令有錢放錢,求其搵十個八個喺信貸泡沫度冇借過錢,身家清白嘅民工做人頭。跟住地產商叫佢哋喺底價買,又搵個「幫弱勢社群置業慈善基金」送兩成首期畀佢哋,之後就做按揭。因政府已命令大陸銀行有錢放錢,佢哋一定會借到錢。買賣成功後就畀每個民工一筆安家費,叫佢哋返鄉下。啲人頭失蹤後,大陸銀行就要接收啲樓,作為地產商就成功甩身。: ( http://phatdat.blogspot.com/2009/04/blog-post_15.html

    即係話,大陸已經點著咗金融海嘯的藥引,爭在幾時爆。大家,自己執生啦。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.