迪士尼食硬特膠政府

迪 士 尼 指 擴 建 無 進 展   裁 減 30 名 設 計 人 員
2009-03-17 HKT 18:34
美 國 華 特 迪 士 尼 宣 布 , 由 於 與 港 府 就 香 港 迪 士 尼 擴 建 的 商 討 無 進 展 , 已 裁 減 30 名 負 責 設 計 的 人 員 , 並 即 時 暫 停 擴 建 計 劃 一 切 創 作 及 設 計 工 作 。
政 府 對 決 定 感 到 費 解 。 迪 士 尼 消 息 人 士 指 , 華 特 迪 士 尼 作 為 上 市 公 司 , 不 能 無 了 期 等 待 , 又 否 認 向 政 府 施 壓 。

迪士尼唔係向政府施壓無人信,了解迪士尼內部結構,當然知呢班設計人員唔係香港員工,係屬於迪士尼幻想工程(個logo係著住工程服裝的米奇老鼠),隸屬美國總部,呢班友好貴,裁減都係合符常規。但係迪士尼高調裁30人的另一個目標係,如果政府仲唔在香港迪士尼樂園擴建工程上屈服,迪士尼樂園真係搞到裁員或減少職位,呢隻政治鑊你孭唔孭得起先。

所以由1999年至今,小弟都係反對興建迪士尼。在2003-2004年,多少因私緣故有機會了解迪士尼呢間公司,更加覺得班友已經食硬特膠政府,更何況依家。只可以講,老董的硬膠決定,手尾長到爆,香港人應該考慮向董建華索償。

黃世澤:巨額公帑建樂園實不值(呢篇文係小弟接近十年前寫,後來更獲部分中學採用為中文教材,但估唔到迪士尼樂園到依家都仲係一個大問題。)

4 thoughts on “迪士尼食硬特膠政府

  1. 根本一開始就唔應該起,如果只係為左做大陸客的話。反正上海遲早都會起,近你又唔夠近、大你又唔夠大,死梗。

  2. 99年, 當政府決定起廸士尼樂園時, 在英國既前港督柏立基對港府的決定感到失望, 因為佢覺得係一個瘋狂的計劃, 而且長遠黎講恐怕未必有回報同有助香港經濟, 十年後, 前港督柏立基所講既說話係應驗左, 證明左英國人既眼光同智慧係香港人無辦法學到, 甚至連中國人都唔會理解到

  3. 如果廸士尼炒既並非本地僱員..
    即非由Hong Kong Disneyland Management Ltd 或 Hongkong International Theme Park Ltd 請既人

    其實係示威多於一切,你唔俾$$我起(二期)…
    我就做戲俾你地(HK Govt)睇….

  4. 方潤 – 特區政府當初嘅主觀願望當然唔只係為咗做大陸客﹐記憶所及好似想做埋歐美日客﹐但客觀現實係歐美日客自己家鄉都有廸士尼﹐而且個個都大過靚過香港個A貨﹐佢哋又點會單單為去廸士尼而山長水遠到香港一遊?

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.