在TVB果啲清末民初電視劇，成日都有將「狗男女」浸豬籠的情節，浸豬籠嘅情況你完全感受到偽道德暴民原始暴力有幾得人驚。
如果你以為依家廿一世紀，香港人係有所進步，咁你錯勒，由14歲媽媽整博客最後因為班網絡塔利班圍攻，搞到被迫關閉，大家就明點解X光社呢類組織咁鬼有市場。
無錯，14歲同人搞大咗個肚係「膠咗」（果位經手人仲係犯刑事罪添），但依家果位媽咪需要係社會嘅支持同諒解，始終佢肚裡面果個係無辜，但依家好多網民暴民，思想仲喺清朝，邏輯不清，只係要女果個去浸豬籠（果班人一定無諗過一屍兩命、人權果啲問題，因為係清朝思維），但男果個，點解無人鬧，十四歲母親嘅家長，又去咗邊，教仔教唔掂永遠無人怪個父母唔負責任，點樣幫個十四歲母親，又點解無人講。
何以X光社或者原教旨主義教會竟然有市場，因為呢班友信唔係基督，而係中國明清兩代的偽道學，只不過換咗個西洋包裝，大家以為呢樣嘢係現代，事實上，有唔少人嘅思想，係拒絕現代化，否則點會有果班支持《淫審條例》收緊，自己唔識教仔又要政府代佢教仔的不負責任家長。香港社會文化同思想上的改革，仲有大把嘢要做。
你在這裡批評那班暴民, 好大可能你的 “代表掉的年糕”的數量會越來越多 xD
To bittermelon2009:
博主一向係網界斯巴達人，對付土共、五毛或者其他仇家都唔少，唔爭呢班清兵。 XD
X光班友可能已經被統戰左，所有作為，另有目的。
小弟唔係太明白的是，有人說網民多較年輕的中產背景的人，兼上次網民示威響應反《家暴條例》修訂，應該係自由派（不是美國通用的那種＂中間偏左人士＂的定義，而係話他們心態冇咁清朝咁解）多，但無端端咁多拒絕現代化的網絡暴民出來嘅？
似乎我們可以解讀：網絡冇組織，各最偏激的言論是會最集中的，你在網絡上發表言論，分分鐘最吸引最偏激反對你的人圍攻。另外一個可能解讀就係：如果網民都係咁，嗰班唔上網的看TVB的中老年人可能思維更加清朝，會心裏更加100倍想那個14歲未婚媽媽被浸豬籠。
「因為呢班友信唔係基督，而係中國明清兩代的偽道學，只不過換咗個西洋包裝」
鬧得好！
都好，你唔再將所有儒家一次拉晒落水。:)
Joel: 會爭取網絡自由，唔等於會尊重他人。
香港沒有真正的自由土壤，所謂的自由只是「放任」。
難聽D講句﹕如果冇左網絡自由，佢地點可以「自由」咁欺凌人地﹖
(當然，我咁講唔係指所有人皆如此)
尋日睇tvb東張西望節目…..報導亞嬌去旺角……..訪問行人…….有至少兩個話佢既然知錯…….就應該獲得原諒…….聽到我…….受訪既都係五官端正…….後生仔咁樣…….令我聽到一陣暈眩………
They are many people in the net. Anti-chirstian is only one of the groups. There are so many people believe in different religons in HK on the net that are irresponsible for their speech and with heart colder than coldest monsters.
This one is quite moderate one:
http://news.sina.com.hk/cgi-bin/nw/show.cgi/2/1/1/433975/1.html
「知錯…….就應該獲得原諒」為何呢個世界咁多上帝，去 judge 人；你地無罪就拎起石頭掟個妓女啦。人地做咗乜關你地鬼事，不要再做上帝，等你落到地獄後就知錯。
愛國者，聖經中耶穌係有咁講過，宣道會學校中一就教呢個，不過，耶穌（如存在）咁講係唔道德的。
我好反對網絡圍攻針對一個人，但唔可以只係以德報怨，而唔去以直報怨（你查下孔子點講）。做錯事要承擔後果，個社會先公道。耶穌呢個講法將愛變左好 cheap，將道德變成天上之物，而唔係世俗之物。
其實最無資格審判人類既就係上帝，佢套法則根本無可以適應世俗社會（尤其係現代社會）既急速改變。只有人類先可以審判人類，如果連人類都唔可以審判人類，咁個世界仲得了？
「做錯事要承擔後果，個社會先公道。」呢句都幾真架。不過，人家在家中玩SM又好食棍仔也好，與你何干，關你乜事，人家私隱嘛。如果你唔去 judge 人又何來「做錯事」，所以通街都係上帝囉。
公道在那裡呢？唔鬧偷相的人、炒作事件的 mass media。响道 up3up4 做 3姑6婆。巴閉！