TATP的恐怖處

三位香島中學中一學生,完全唔識死學人做TATP Preparation,我唔知佢地目的想點,但係TATP的化學特性其中一個特點,就係對震動同摩擦非常敏感,就算依家天氣潮濕,都係有一定敏感度。在2008年,有班硬膠法國反快相組織,想用TATP製造炸藥炸鬼咗啲快相雷達(係,只不過為咗反快相雷達),結果炸斷手入院。

不過點解依家飛機一般唔俾帶液體上機,因為果班回教恐怖分子化學知識真係好豐富,佢地除咗知道在容易買到原料(女仕們用的指甲油已經可以搞到足夠丙酮,基本上,TATP原料可以在超級市場同藥房執齊,我呢度唔提供有關配方,免得有膠人有樣學樣),仲有一點係好重要,就係TATP係不含氮,而現時偵測炸藥嘅的儀器都係針對氮,咁樣做成咗一個X光查唔到,化學方式都查唔到嘅漏洞,係好大劑。所以依家航機禁止帶液體嘅目的,係防止恐怖分子帶大量液體上飛機還原成足以炸爛客機嘅TATP(粉狀TATP係好唔穩定,所以要大量液體減低爆炸性或者變成另一種可以立即在飛機上還原的化學品,以免未上機已經爆咗),在飛機上還原然後爆炸。

小弟真心希望,果三名中一學生係一時好奇學人做TATP呢種咁危險的爆炸品,而唔係為咗硬膠理由去施襲。研究科學,唔係研究呢啲膠嘢。已經係今年第二單有膠人在屋企研究炸藥(今年2月11日,天水圍有位十七歲年青人,又係在家中製炸藥出咗事),結果硬膠嘅事件,究竟依家香港發生乜事?

10 thoughts on “TATP的恐怖處

  1. RTHK: 東 九 龍 總 區 重 案 組 探 員 , 先 後 在 深 水 埗 順 寧 道 一 幢 唐 樓 及 白 田 邨 一 個 單 位 , 搜 出 7 樽 懷 疑 爆 炸 粉 末 , 當 場 引 爆 其 中 6 樽 , 其 餘 檢 走 化 驗 。

    不過我真係想知道是否一定要當場引爆, 如果咁唔穩定, 為何仍可帶走一樽? 以及警察係咪奉旨炸左人地間屋唔駛賠

  2. 雖然他們的行為不智,但也證明了香港學生唔係一係讀死書,一係去打機玩樂

    在美國,這些事已曾發生(不過唔係製造炸彈)(想一下,如果聚變不受控,咁咪又和炸彈冇分別):

    22/11/2006
    http://research.lifeboat.com/teen.goes.nuclear.htm

    p.s. 炸彈和推進燃料其實只是一線之差,如有科學家曾提議用氫彈,配合探測器堅硬的外殼,作為推進深空探測器的燃料

  3. To Jacky:

    如果剩下一樽份量在可控範圍,係可以帶走做證物。但如果份量是不可以控,係要當場引爆,而TATP係實驗室都不一定安全的化學品,唔當場引爆可以點做?不過駛唔駛賠就要視乎個別情況。

  4. 正如資訊發達,網上得到這些資訊是很容易,學生好奇而惡搞一番,正是這次的一個典型例子。

    好少咁有好奇心既細路喎,依家個個細路都係拿著NDS同PSP架咋。佢地三個真係好少有…..

  5. 真係好有前途. 除此之外我只係覺得話唔定以經有人整咗可以炸咗香港一半的炸藥…..

  6. 我諗都係好奇心居多,同陳奕希自稱細個拆左屋企個鎖冇分別,只係佢地玩既野太過危險。

    需知道好多香港細路(其實,包括大人)都係唔識死兼冇腦的,搞出禍之後只會話「我都唔知會咁架」。

  7. 學做實驗唔緊要
    最大件事係識D唔識D
    又唔識Chem Safety
    又唔知隻野會Sublime
    又唔知隻野咁唔穩定

    好啦, 而家大鑊啦
    D 原材料咁易搵
    個 Reaction Condition 咁易 achieve
    再比佢學多D purification/handling technique
    咁我地就死梗
    點知邊D膠人一時膠起上黎炸Q我地D平民架?

    仲有
    Ban q 左 D 網上資訊都無用
    我D資料響 JACS (Journal of American Chemical Society) 搵番黎, 有齊詳盡製作方法, 仲教埋你點樣安全使用/貯藏. JACS 係化學界頂級學術期刊, 你有本事咪 Ban lor

  8. 香港
    有人係旺角掉磚
    有人放襁水
    有人係酒店外放”炸彈”
    有學生造炸彈
    遲下可能勁過911

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.