把爛帳掃到床下底唔代表無問題喎

關於暫停Mark to Market會計準則,會否解決金融海嘯的問題,小弟不敢即評,因為小弟與我那位融資、債券那邊的師傅相比,實在不敢獻醜,要請教一下她才敢下筆。

Mark to Market會計準則暫停,固然暫時止住了跌勢,不過,這不代表天下已經太平,只不過把爛帳掃到床下底罷了。

當然,Mark to Market會計準則暫停後,因為有很多撥備write back,明年各大銀行的業績一定靚仔到無人有,唔似有問題。但事實上,歐美等國,除咗法國一早有奉行戴高樂主義的政府,好早已經將銀行的爛帳執得乾乾淨淨外,其他國家的銀行,由歐洲到美國,個個Banker都玩緊乾坤大挪移,將各類SIV之類的爛帳,以Bank Loan, Company Loan之名寫入去,總之大家係睇唔到,或者要好仔細驗屍咁驗本Book,才知道發生緊乜事,但當你知道發生乜事果陣,你走都走唔切。

有可能係,停咗Mark to Market後幾年,成班茂利用repackaging手段將成堆toxic asset氹你班傻仔買,然後又玩到膠到無朋友至嚟鋪勁,或者今年年底美國和歐洲成棚Credit Card集體default,大家至如夢初醒,原來已經膠咗。

所以銀行股用來長遠投資,你閣下小心啲,不過如果你供咗匯控或者仲手持匯控坐艇,你可以在未來一段小陽春時間沽貨甩身,如果你40-80元水位買,應該係有機會無賺無蝕,或有小賺下離場。但依家有可能最賺錢,係果班投資銀行債券、票據,或者係咁賭CDS嘅友仔,不過呢挺嘢呢,似乎唔到大部分散戶有得分嘅嘢。但留意住債市走勢,對你投資銀行股係好有幫助。

但最怕係美國同世界各國齊齊亂咁印銀紙,用來冚住咁大筆爛帳,呢種政府公然走數嘅行為結果係全球大通脹,未來日子點過?木宰羊。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.