切爾諾貝爾.溫州

或容小弟咁講,呢次和諧號喺溫州撞車事件,某程度,係中國版嘅切爾諾貝爾事件,中國由7月23日開始,革命嘅高鐵己經全速開動,唔到中共話停就停。

切爾諾貝爾核電廠大災難之所以推倒蘇聯,因為蘇聯民眾自此對共產黨失去信心,包括咗中高層精英,各加盟共和國都各懷鬼胎,波羅的海三小國嘅自由人鏈等事件,亦係咁樣玩出嚟。溫州呢鋪比切爾諾貝爾更大劑係,呢鋪中共係眾目睽睽下講大話,無恥程度遠超蘇聯。亦因為係咁,日後地方政府公然抗命亦會更明顯。

而溫州特警抗命,對中共嚟講係一大警號,因為對中共嚟講,軍警唔可以為任何理由抗命,只可以忠於黨,但依家係地方武裝力量,以一個人道主義旗幟抗命,如果得到廣泛支持嘅話,對中共嚟講絕對一等大鑊。所以呢鋪溫州特警可以抗命嘅話,日後就隨時解放軍個別旅、連、甚至師抗命,咁基本上槍杆子不在手,筆杆子亦不在手,呢個政權亦係咁先。

但如果係呢隻瓦解,中國亦代表會進入新軍閥割據,就算政權復歸中華民國亦只會係名義上,香港人要有軍閥混戰嘅心理準備,所以HKAM絕非一個開玩笑嘅主張。黑天鵝,己經出現喺各位眼前。


5 thoughts on “切爾諾貝爾.溫州

  1. 可以當參考。
    以前五四運動時,學生打軍閥,軍閥用水炮還擊。
    軍閥獨裁,但願意接見學生,之後平安離去。
    以上都係左派電影的橋段。我睇電影時太細個,如果知道戲名,可以回覆下。

  2. 最奇怪的是,
    平時中共最引以為傲的”輿論控制”,
    在這次火車事件中好像徹底失靈了.
    究竟是因為高官們顧著應付因江病危而出現的權鬥,
    無暇再對事件進行輿論操作?
    還是因為某派人馬意圖利用本次事件及有關的民意反彈,
    打擊另一派人馬,卻不幸出現失控的情況?
    這問題實在難以確定.

    不管如何,
    科學上有所謂的”Fire Triangle”概念,
    描述起火所需要的條件,
    以此作比喻的話:
    燃料(中共的長期腐敗)一直都在
    氧氣(讓民意發酵的討論空間)這一次也出奇地存在了
    現在就等一個突發的起爆劑,
    那火就會出來了
    但至於這場火有多大,會不會成為燎原之火,
    那就是另一個問題了…

  3. 或者 “小農” 一點去睇, 都係得一個之嘛, 星星之火, 能否燎原?
    不過大陸今次對輿論的控制來得遲咗, 而且有小部份傳媒不受操控
    真係可能一發不可收拾

    至於HKAM, 絕大部份香港人都只係嗤之以鼻, 心中只有 “唔靠大陸, 香港食X 都唔怕啦”, 呢個可能係香港本身局面最危險之處, 就係市民沒有心理準備, 而使有準備的人也難以動員。
    更有的是 “民族主義” 帶來的危機, 可能會死抱著民族統一大義而堅持與到時亂七八槽的中國維持 “國土完整”

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.