政府幫金融界搶我地啲錢

小弟有啲議題係無論如何都要追斬,其中一個係強積金。小弟寧可抽時間上去立法會panel講嘢都要反對到底。

依家強積金係不知所謂嘅制度,因為強積金可以侷我地俾百分之十入息,但係金融界可以唔駛講績效,蝕錢照收比Private Bank仲要貴嘅management fee,簡直係幫金融界搶我地啲錢,真係好似王弼講,正宗係金融霸權。

正如王弼講,俾錢果班金融界廢柴,不如俾大家供款買盈富基金或者iBond算喇,又無乜管理費,盈富基金嘅績效跟大市浮動。依家政府仲敢提要提高強積金供款最高入息,以後啲搵兩萬蚊左右嘅朋友要供多啲,乜世界?


8 thoughts on “政府幫金融界搶我地啲錢

  1. 經常想問:同樣係小社會大金融,點解新加坡辦中央公積金,可以頭頭是道,靈活利民,而香港偏偏弄至神憎鬼厭?

    人人自動自覺儲蓄防老,唔需要公帑幫忙,當然最理想,但現實往往並非如此,資本主義自由市場,如果不是右傾到上腦的教條,變成思想局限,全民公積金係唔係可以做得妥善得多?

  2. 強積金喺香港,已經係一樣神憎鬼厭嘅嘢,於我所聽到嘅,真係連窮嗰班人都好憎強迫金,巴不得取消佢。

    好多人都知要儲錢,但係而家好多人嘅得萬零,甚至得幾千蚊個月(包括我),叫人點儲?呢個問題解決唔到的話,以現時香港嘅強積金制度,點搞都冇用。

  3. 講真,MPF的費用係以複式計算,根本係超好搵。我建議費用率上限由每年的2%調低到每年的0.2%!

    以A先生為例,佢係由金融海嘯後期(2009年)開戶口,平均買入美股、歐股、恆指及亞太股票。累積回報率只有14%(每月平均0.5%)。大家覺得回報合理嗎?

  4. 有一日,班高官同五毛入獄,會唔會過著d驚心動魄、驚濤駭浪的日子。佢地攪左咁多仇家出來。
    還有金管局會唔會成為恐佈襲擊的對象,得閒做d善事,自求多福。

  5. 我覺得到時佢地早就全家著晒草…(有冇放棄國藉呢個concept我都開始唔敢肯定…)

    其實果5%我早就當係帛金….如果加埋強醫金就肯定係十一奉獻….佢地係信瑪門 唔係信上帝既….

  6. 學澳洲喇.
    打工仔可以自己去開一個Fund, 每年請auditor 審核財務.
    自己做自己退休金基金經理.
    要炒金炒銀炒沙炒石,隨便你.

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.