啟動序幕

標準普爾已經將美國主權評級降為AA+,並且同時列入負面監察之中,即係評級有可能進一步調低。

由於惠譽同穆迪未降級,所以唔會引發所有以美債信貸評級為基礎嘅資產降級狂潮。但標準普爾宣布降級嘅時間相當糟糕,相信所有程式買賣盤會喺第一個恢復交易嘅遠東美元區市場出現,即係香港將會硬食第一波衝擊,大家諗到周一早上將會有乜事發生。

但長遠香港同中國係好牙煙,香港貨幣以至銀行資產質素會即時劣化,港元貶值、加息(借貸成本係基於評級)同埋樓市會出事。但中國仲牙煙過香港,因為中國太多美債,加上中國出口都係唔值錢嘅嘢,唔似歐日嘅工業基礎,所以人民幣市場仲激過過山車。

我個人相信,加拿大同北歐等國會水浸,因為有天然資源、評級又好,公共財政未有大危機(CDS可以睇到),如果以為中國會受惠,就真係發夢太早。



5 thoughts on “啟動序幕

  1. 黄金儲備香港得個兩公噸唔夠。而且自09年開始話搬番嚟香港之後,一直無消息,究竟有無搬番嚟無人知,成色夠唔夠無人知,有無增持無人知,係咪只係期貨合約紙黄金無人知,真係好驚香港人一朝醒來身家給老美老共一舖清袋,到時真係叫天不應叫地不聞,他朝君體也相同,何況香港的Debt to GDP ratio (2009年)重勁過老美意大利希臘真係唔得你死:-

    United States – 98.4%
    Italy – 141.3%
    Greece – 167.2%
    Hong Kong – 224.7%

  2. 好懷念細細個時的銀行:保守殷實,跟足英國傳統,就算門面高傲,但絕不淪落為投機賭窟,金融騙棍,有牌放數大耳窿,當年信用卡都未面世。

    不知哪個偽財經膠人的謬論,話欠債纍纍十世還不清,可以鼓勵國民更加努力,奮鬥上進,不會累街坊令全世界絕望。

    第一次世界大戰後,德國戰敗,揹上六十六億英鎊巨債,搞下搞下弄出納粹希特勒,當今亂局,真的不會有第三次世界大戰?

  3. http://en.wikipedia.org/wiki/List_of_countries_by_public_debt
    http://en.wikipedia.org/wiki/List_of_countries_by_external_debt

    似乎所謂debt to GDP ratio 是指external debt(外債),
    包括私人企業和個人貸款,其中還包括外來投資.
    以香港的外向型經濟,嚴重依賴外來投資,外債比率高不足為奇.

    不過地方和資源同樣少的新加坡,竟然有百多噸的黃金儲備,
    而外債比率只有10%,香港的金融穩定性相對來說確是非常嚴峻.

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.