徐立之點解變咗中大校恥

游清源話徐立之係港大校恥外,亦係中大校恥,好多中大人一定覺得,點解要拉埋中大落水。

但由新亞歷史嚟睇,徐立之做中大校恥兼新亞校恥,當之無愧。

1976年,當時香港政府建議中大改制,書院教學自主權大受削弱,當時新亞書院拒受,一怒之下,唐君毅、錢穆等九名新亞校董,為咗捍衛中大聯邦制憤然辭職。當時嘅新亞校董,唔會好似香樹輝咁馬不離口,亦唔會變成民建聯黨員。我唔同意錢穆對中史好多見解,次次睇完《中國歷代政治得失》、《國史大綱》等都係媽爆,但我敬佩錢穆喺捍衛新亞上嘅風骨。

依家李克強坐喺校監位,學生示威被警察非法禁錮,大佬,你係新亞人嚟架,本來由一個新亞人當上殖民地首席學府校長,係光榮,但守唔住自由學風,你就變校恥,因為你辦事無骨頭,辦事不力,有負錢穆、唐君毅等人嘅期望呀。

中大引以為傲,就係捍衛自由呢方面傳承,以往我睇唔順眼膠樽義、華雲生賣校,今天都係用同一標準看待徐立之。


3 thoughts on “徐立之點解變咗中大校恥

  1. 其實罷課及學運是不是巳有基礎來發生?好多時看到團體一輪示威抗議後,無以為繼。(香港好耐沒有學運了)。

    港大事件+國民教育+警權過大+外傭居留權+新移民+傳媒審查+地產罷權+通脹…

    唔通香港人真係咁忍得?還是時機又未到?

    這一排應該好多政府高官切Jer辭職,而家剩識死Lur連道歉都慳番,好唔知醜!林公公果日黑傘獻醜,在外國一早會被人恥笑!

  2. 而家見到徐立之走出黎話要警方解釋,又慰問出事學生,覺得佢做乜都只係企圖減低自己嘅罪惡感,哀哉!

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.