政府總部將改名做門常小

兩份親政府報章,同一份親政府周刊嘅記者闖入新特首辦公室搞到差啲被人告企圖爆竊一事,越嚟越膠。但總體嚟講,政府嘅問題比記者嚴重好多。

1. 對我呢啲讀criminal procedure嘅人,有無合理懷疑下拘捕唔係重點,當然呢鋪好大機會無合理懷疑下拘捕,但呢件事警察最錯係未有警誡嘅情況下錄取口供拉人。因為落口供果陣幾個權利,包括緘默權、請求律師在場等權利,係必要民權,警察咁玩同公安一樣,咁香港人日後仲敢同差佬傾偈?

2. 用企圖爆竊嚟告人又係匪夷所思,決定落charge條友認為個Mens Rea足夠落案告人,你話告三條友遊蕩都仲有得拗,告企爆?有人傻咗?

呢單嘢警察一定要公眾道歉,因為果班差佬咁落「口供」係嚴重侵犯民權,絕唔可以饒恕。

依家政府總部個設計叫門常開,日後會經常有人影相,喺門下面做小字嘅姿勢,門常小就有佢份,咁封閉嘅政府,食屎喇。



7 thoughts on “政府總部將改名做門常小

  1. 所謂的拉人,只是他們的慣常的恐嚇技倆而已。好明顯係做D新聞出來針對傳媒。那三個記者應該只係想入特首辦影下相,mark下D第時有用的record而已。

  2. 我話似個斷頭台多d ,一於將計就計,見親鬼佬就同佢話香港人稱之為The guillotine,所謂鬼拍後尾枕,起到舊咁既嘢出嚟,都果頭近矣。

  3. shld there be a procession around the police hq, based on the two offence that u suggested – wrong mens rea, and the procedural injustice?

  4. 不過今天(周五)港台的取態更有趣:

    先有林超榮早上暗諷明報和星島,指他們意圖試驗特首辦保安漏洞,卻失手被擒.
    後有傍晚時事節目找律師大談”擅闖私人地方如何構成意圖爆竊”.
    大有向兩間報館落井下石,為警方辯白之勢.

    難道是港台人員對兩份親建制報章於公共廣播諮詢的取態不滿,借此事有仇報仇?
    還是另有內情?

  5. 總之, 香港特區政府是越來越大陸化了, 法大還是官大也分不清了, 一直以法治為傲, 而以之與內陸分別的界線越來越糢糊了, 香港還有甚麽可持呢? 哀哉!

  6. 飛蚊導彈﹕「先有林超榮早上暗諷明報和星島,指他們意圖試驗特首辦保安漏洞,卻失手被擒.」

    呢樣唔出奇,記者會做呢種事。問題係,就算咁樣都唔至於算得上有咩犯其他罪行的意圖吧。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.