由港人軍票到菲律賓人質事件:特膠政府嘅賣港本質

香港軍票與戰後補償中譯版書介

表面上,呢本係一本平平無奇,日本研究軍票問題學者嘅書,但呢本書,本來可以反映香港人一啲可以政治上據理力爭嘅地方。因為呢本書嘅日文原著,其中一位編者仙谷由人,正係日本內閣官房副長官。

日本政府唔可以話內閣無唔識軍票嘅人,就可以推三推四,仙谷由人正係軍票問題嘅專家,而且仙谷由人寫正係《實現符合和平憲章的補償》。

福島搞到一鑊粥,我唔係話要日本立即嘔晒啲軍票賠償,但作為一個負責任嘅政府,係唔係可以藉日本內閣有個咁嘅人嘅契機,商討一個可以雙贏嘅解決軍票問題方案,例如成立一個軍票問題基金會,負責手持軍票老人家嘅殮葬費用、退休費用等事,我覺得呢個可以考慮嘅方向。但港府,有次主權能量而不用,亦無呢方面嘅sense。

而菲律賓人質事件將近一周年,港府應該無得走數,結果唔係,用菲傭嚟煽動種族情緒就有,但菲律賓賠償受害者,遙遙無期,除咗涂謹申一直幫忙,其餘人等全部去晒邊,死X咗?

所以簡單嚟講,依家特膠政府,除咗賣港,乜都唔曉。

後話:謝偉俊唔好扮晒為香港人好,佢應該係時候為是否解除菲律賓黑色警告,同埋死傷者賠償問題,菲律賓同康泰等負責有個明確立場交待,一方面反對菲傭申請居港權權利,一方面又喺人質事件上放水俾菲律賓,呢啲友仔賣港程度更甚,你走去join佢有份支持嘅法西斯遊行,你有無感到自己被人搵緊笨?

仲有,林悅條hihi,反對東涌起公屋,因為話阻住佢住果度嘅景觀,呢條友係乜嘢人品,大家心照。


發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.