天文台收買人命

雖然喺香港時間凌晨,美市低走,HSBC ADR定價在跌2%左右水平徘徊時,決定考慮掛八號風球。但講真,天文台咁遲至掛八號有收買人命之嫌。

喺香港時間28日晚上,港島北部啲風大到人行瘦我咁會被風「推動」,而揸車喺東廊,只可以講相當考技術,都未計唔少道路果啲冧樹、冧棚架嘅問題,而睇番29日凌晨一點幾左右嘅陣風數據

平均風速數據

陣風數據

呢堆數字講嘅事實係,風力水平己經去到危害公眾安全嘅地步,仲唔掛八號就等於要好多人齊齊搵命搏。依照田北俊理論嚟決定掛風球係收買人命,如果天文台唔掛八號,我會要求自由黨所有區議會候選人喺東廊揸車揸足一日,我睇佢地點頂。



3 thoughts on “天文台收買人命

  1. 我就話因為惡劣天氣(颱風襲港或黑雨)而要停工停市嘅決定﹐應該由天文台交返俾特首辦或其中一個問責局做﹐天文台只係做返技術支援嘅角色﹐向決策嗰個提供風速﹑雨量等嘅預測數據。掛風球嘅決定係基於氣象學﹐而且帶有預測成分(八號風球嘅定義係香港近海平面處現正或預料會普遍吹烈風或暴風,持續風力每小時63至117公里,陣風可能超過每小時180公里,且風勢可能持續)﹐但停工停市停課就係十分政治嘅決定。以前港英年代喺正午十二點掛八號風球﹐連預警都冇﹐但唔會有人鬧﹐所以停工停市嘅決定可以下放俾天文台﹐但依家天文台掛唔掛八號風球或掛嘅時間唔符合大眾嘅期望都俾人插﹐天文台真係唔適合再做呢啲政治決定。

    反正停課嘅決定係由教育局做,停工停市嘅決定應該由特首辦或者商務及經濟發展局做就o岩。

  2. Martin the problem is that the Observatory rely largely upon ten-minute average wind speed for typhoon signals, instead of gust or one-minute average. But of course the latter two are more relevant to activities of the general public and the transport industries.

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.