唔好諗住特區政府會入稟法院修改莊豐源案判決

文匯報:反駁「蝗蟲論」:港乃移民社會

香港對內地新來港人士太慷慨?部分香港人一直在抱怨內地孕婦攻陷香港的公私營醫院,唐英年在接受傳媒訪問時坦言,過去10年內地孕婦來港產子數目的確激增,由2001年的620名增至去年的32,653名,公營醫院受壓殊重,但當局已經停止今年的內地孕婦產子預約:「我看不到本港孕婦因越來越多內地孕婦來港分娩而無法享受本地醫院產科及兒科的服務。」
 被問及有指內地買家是推高香港樓價的「元兇」,唐英年坦言,內地居民來港購買通常是豪宅,不會對普遍房地產市場構成顯著影響。
考慮放寬福利可攜性限制
 不過,為解決問題,唐英年說,特區政府正考慮如何放寬福利可攜性的限制:「當港人前往內地居住或工作,他們可能對香港的醫療制度更有信心,但這方面我們必須克服一些法律障礙,例如醫院管理局是否可跨境『經營』。」

有啲人一直都認為,由香港法院去修改莊豐源案判決,或者透過釋法,可以解決蝗蟲BB南侵嘅問題。對我嚟講,我睇完呢篇文後,三種做法難度一樣,除非香港獨立。

唐膠年有佢可愛嘅地方,就係呢條友唔夠梁振英咁陰險,所以會好真心膠咁樣,爆晒中共嘅意圖出嚟。香港政府甚至要容許中國啲友,可以嚟香港攞福利,因為依家中國係立心搾乾香港人,所以先用根本可以用行政機關搞掂嘅印傭菲傭居港權問題嚟轉移視線,製造種族騷亂,另一方面,就算班蝗蟲繼續南下闖關,政府繼續縱容佢地咁做,因為根本中國就係立心搾乾香港。東江水每年加價6%,都係反映中國共產黨呢種不良居心。

所以政治上嚟講,我好簡單支持一個要求,禁止所有中國孕婦嚟香港生仔,修改《基本法》24條,政府再打多次莊豐源案,可能係另一個辦法,但如果政府要做,早就做咗,釋法我就一定唔同意,費時中共釋法裡面暗藏陷阱,莊豐源案咪係1999年釋法釋唔乾淨,專登留落嘅漏洞囉,中共係有心堵截,點可能1999年釋法會留低尾巴至得架。

呢個月23日,本地孕婦不問黨派遊行,要求政府阻截漏洞,我有條件支持,反正三種做法難度一樣,倒不如一炮過修改《基本法》24條,乜嘢印傭菲傭居港權等等問題一炮解決。如果中共死都唔做,咁香港人應該考慮自己要點做。

23日愛護香港力量一定千方百計騎劫,支持本地孕婦嘅朋友,明確表示唔歡迎任何黨派,以及愛護香港力量,以及林悅搞嘅香港社會關注組入嚟抽水,否則全部報警拉晒去選管會先講,因為呢班友嚟抽水,隨時陷本地孕婦於不義,果啲經費被啲報警人士報廉署,然後話係建制派選舉經費,就認真無辜。如果發現愛護香港力量同林悅班友,派啲友仔嚟搏懵,留意講鄉音嘅友仔,佢地係夠膽影相upload上網騎劫你地。所以一定要有糾察,趕晒啲抽水政客。

小弟亦嚴厲警告,左翼廿一果啲友仔唔好喺23日玩嘢,你地繼續喺HSBC總行對付大資本家喇。

後話:我同本地孕婦果個Facebook page admin最大分歧係,佢認為示威可以迫終審法院自己修改判詞,因為香港係有成文憲法,本身唔可行,而且如果有啲來意不善嘅蝗蟲中介玩嘢,告你班友蔑視法庭,唔係無得告。《基本法》修改程序係成文程序,而且可以由特首啟動,特首唔啟動,仲唔係有人唔做嘢。三種要求難度均等,梗係揀個法律上最無風險果個喇。



3 thoughts on “唔好諗住特區政府會入稟法院修改莊豐源案判決

  1. 除非遊行人數好多,呢類請願式遊行,一次唔會有成果,因為港共政府赤化香港人口仲未成功。所以應該以後兩星期或一個月一次搞遊行,最好舉行遊行到中共政府明年大換班。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.