新加坡環線(Circle Line)嘅教訓

小弟由新加坡返嚟香港果日,正好係新加坡地鐵環線,唔計Extension外全線開放嘅日子。環線全線通車,本來值得高興,因為環線解決咗唔少人口密集嘅交通盲點,例如新加坡管理大學一帶酒店區等。只不過,新加坡人選擇低調慶祝全線通車(之前已經部分通車)。

因為環線對住啲鬆軟土質,check唔清楚,搞出兩單膠嘢,膠到真係令人感到哀傷,對香港高鐵工程,絕對引以為誡。

尼誥大道倒塌事件聯合早報報導
新加坡國家圖書館對尼誥大道事件嘅參考資料

本來環線2006年通車,但點解搞到大超支,兼拖到2011年至全線通車,伸延線要等到2012,因為呢條海濱路線,喺處理啲土地鬆軟地段,犯小小錯就大鑊到無人信。尼誥大道倒塌事件係其中一劑,不單搞到主幹公路之一尼誥大道成年唔駛通車,塞到hihi。意外期間,煤氣、高壓電等管道中斷,後果可以好大劑,好彩尼誥大道事件事發位置唔係正中民居,因為尼誥大道都係條六線行車公路,加上南洋人走難反應一等快,否則後果可以極嚴重。但仍然搞到四死三傷,令人感嘆。

之後環線巴利峇耶至芽籠之間,有座叫福記大廈嘅舊樓,本來唔喺徵地範圍,但2005年8月突然收番,因為福記大廈嘅土質唔對話,點救都救唔番,侷住要成座收番。亦可以咁講,因為有尼誥大道慘劇在先,政府有所警惕,否則等到福記冧咗就至收,真係死得人多。

但如果尼誥大道事件發生喺富榮花園所在海泓道,令到出現路陷,甚至樓宇即時倒塌,又或者大火災(商戶點走?海泓道咁窄),或者大角咀、深旺道一帶有更多大廈,變咗福記翻版,咁大超支條數邊個孭起?新加坡由2006年起好拖到2011年底至通到車,咁香港?

呢次返新加坡後,我對中國高鐵香港段持高度保留意見,唔該儘早暫停工程。區議會選舉期間,富榮嘅居民,睇清楚當年尼誥大道事件幾得人驚,再質品鍾港武條hihi,究竟佢諗住點算?




2 thoughts on “新加坡環線(Circle Line)嘅教訓

  1. 呢期執政政府都幾頭痕,呢次更是浮面果隻,國民對其信心會下跌。
    另外應該要查是否人違問題,包括工程質量、有否貪污,務必查清。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.