泛民主派應該多謝唐英年

香港統監府班白痴,依家一定想丙爆金勞詹,點解我咁講。

過往香港統監府同埋佢指揮啲傳媒高層,最鍾意攞泛民候選人啲婚外情做抹黑材料,因為香港人好鬼道德塔利班,就係唔接受婚外情。

但依家輪到唐膠年出事,而想消滅唐膠年班土共,又無實力控制埋香港統監府,結果唐膠年有婚外情,星島系傳媒仍然要一馬當先拆彈護主,日後東周刊要質疑泛民道德誠信果陣,大家攞唐英年出嚟寸爆佢地,對方己經啞晒,除非班友好似民建聯同人民力量一樣咁無恥,只准州官放火,不准百姓點燈。

所以自此以後,婚外情唔再係抹黑材料,連蔡志森都無丙唐英年喇,仲有乜好講。

後話:我個人認為,唐英年與其自己選,不如由佢老婆出馬好過,唐太嘅談吐、EQ都比你唐膠年好呀。應該唔駛出范太、葉劉呢啲邪魔妖道,都可以同梁振英對決。



One thought on “泛民主派應該多謝唐英年

  1. 你忘記咗香港人好雙重標準,今次唐膠年出事出事就唔提,下次到泛民出事就會攞返出嚟,玩選擇性失明,到時你講乜都無用,有邊次唔係咁?

    居港權單嘢啲香港人唔將人當係人咁看待時,博主你仲對香港人仲有期望。。。 ? 反正你是信了。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.