實用面積100呎?劏房咩?

東九建青年公屋
面積 100呎 租 5至 10年

【本報訊】房屋政策是梁振英強項,唐英年昨反駁梁日前說法,「唔可以話攞多 1%(土地)出來就住多 100萬人囉」。唐提出,每年建兩萬個公屋單位,加上復建居屋,最多可收回 1.5萬個公屋單位,縮短公屋輪候時間,更建議在東九龍建實用面積約 100呎的「青年公屋」,讓 35歲以下未婚青年租住。

香港特首選戰,已經變成小學雞大戰。100呎實用面積「公屋」,便為一例。

如果實用面積100呎,我當實用率有7成,140呎有自己嘅廁所、廚房嘅所謂studio,我想問唐生係咪代表政府自已搞板間房?證明呢條友,真係以為劏房係住得人。當然,佢依照房署果啲迫死人唔駛本,唔理會現代人基本生活需要嘅政策嚟比,咁100平方呎睇落幾寬敝吓。但邊個同你住呢啲單位?

都係叫唐英年,喺網上瞓多次棺材,再諗過正確嘅答案。



9 thoughts on “實用面積100呎?劏房咩?

  1. 現行房委會訂定一人單位面積17.81平方米,即約200呎。唐狗做好啲功課先,唔該
    居住質素問題方面,新加坡組屋最細都450呎。叫唐狗真係去住狗屋啦!

  2. 記得放假的時候,在明珠台看過一個講建築的節目,講到日本人如何盡用東京都內珍貴的土地-有在天橋上的墳場,將地面升高用來做泊車位…等等。

    當中他們有一個“都市就是客廳”的概念,100平方尺的空間的確只用來住,其他的活動嘛?澡堂啦,餐廳啦,自動售賣機,便利店,上網解決囉。

    可以說,條條fing的理論不是沒有立足點的…雖然我不會相信他有看過這節目。

    但在日本,沒有乜乜物物霸權包辦幸福喎…起碼不用去大型商場也已有3間不同的便利店和十多台自動售賣機解決生活所需了。

  3. 我反對青年公屋的概念. 未有能力時, 就同家人一起住來儲蓄金錢.
    當建立家庭而收入在公屋要求以下, 就申請. 可考慮修訂公屋入息要求上限, 不是年齡因素. 現在已經有單身公屋申請, 但要排另一隊. 未來特首應該考慮怎樣分配才是公平.

  4. 劏房都起碼150呎左右, 不過, 其實仲有細啲嘅……..
    一樓一嗰啲就大約100呎囉
    可見特區政府無當香港市民係人!!!

  5. QA: 你查返HOUSING 依家嘅居住人數相對單位面積係幾多吧
    再者, 睇返依家啲私人樓, 房間幾大先得架? 建築物條例規定不得少於1.83X1.83m2
    細路仔仲讀書, 或者都仲夠用。但人大咗, 出嚟做嘢, 唔講其他, 淨係衫都多一大堆啦
    如果搬出去係可以滿足家庭成員需要, 何樂而不為
    問題係依家公屋申請資格硬膠到無輪, 仲要如果堅持市區唔肯入新界, 保證唔有排等
    前幾晚自由風先有聽眾打上去就話申請咗11年都仲未派到

    如果集中睇能力問題, 依家係高不成低不就
    公屋一人入息上限係$7,300。真係除咗做速遞、大x樂之類會符合之外, 是但打份工都過。但$8000 唔夠一個月, 只能做 “月光族”, 點搬出嚟呀
    掉返轉, over 呢個數又老豆老母度唔夠住又要搬出嚟, 咁點先

  6. 如果我選特首,我會定公屋家庭入息限額3萬,而居屋入息限額6萬,有錢買豪宅,從此搞撚惦晒香港,斷估一定有人為我立銅像!

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.