潮汕巨變

中國茉莉花革命網:汕头海门镇万人骚乱 占据政府大楼 (多图)

呢單嘢小弟睇百度貼吧等double confirm,係堅料嚟。

鎮比村政府高一級,連鎮政府大樓都被人攻入,證明潮汕一帶已經一片大亂。因為除咗陸豐烏坎村(圍城戰中,獨立狀態)、龍頭村(有維權事件),汕頭海門鎮(鎮政府被攻入,獨立狀態),汕頭濠江區廣澳街頭(維權衝突爆發),汕頭澄海區溪南鎮(維權衝突爆發),幾乎可以肯定一件事,汕頭、陸豐已經開始大亂,汕頭近日仲有禁摩令,好當地居民好火滾,隨時係成個潮汕地區都巨變。

咁玩法係好大劑,因為再加上珠三角地區反推普運動,同埋珠三角都積落大堆維權問題,可能最後成個廣東都亂七八糟。而北京唔可能再調兵,因為金正日瓜咗老襯,乜都可以發生。福建都唔可能調兵,汕頭本來就係打台灣嘅軍事重鎮,依家汕頭都搞到一鑊泡,福建防守空虛,有維權居民攻入福建城鎮,然後獻城與中華民國,到時真係膠到無朋友。

香港人有必要留意事態發展,依家情況比小弟預算嚟得急好多。



23 thoughts on “潮汕巨變

  1. 權貴能壓制住群眾,並非力量比群眾大,而係群眾大多苟且,但若果完全切斷群眾生機,就必定會失控.

    中國法治明明是最嚴格, 但打得越嚴, 中國既特大案越多, 而死刑人數甚至係佔全球1/4, 用比例來講比起全球任何一個國家都要高….

    法治, 要跟良好的管治手後走在一起才有效, 若果果每件事都用到死去阻嚇人民, 這種法係就根本就是要迫人作反, 不存在任何人性的政府, 最後他們不會自殺, 但會出來上街, 就是這樣簡單, 長期用這一套思維既話, 法律及刑罪, 終有一日係會失去效用的……中國今天就出現了法治失效的情況.

    很多革命, 起義, 都係因為迫得太甚所引致, 用機會成本來看就很易明白, 簡單說,若果食好住好, 人民革命的機會成本會很高, 門檻也會很高, 但若果連食住人身安全也成問題, 人民革命的機會成本會很低, 門檻也會很低, 既然不革命也會被死亡, 為什麼不轟轟烈烈來一場, 或許有些微機會可以不被死亡.

    至於軍事處理, 可能性不低, 但後果卻更大
    首先, 軍人大部份是農民子弟兵, 早就不滿城管以及強收屋/農地, 早前4 位士兵回老家一事己經響了警號.

    其次, 最近兩年, 維穩費高過軍費, 軍隊早就覺得不是味道兒, 今天中共就像晚清一樣, 晚清地方暴亂, 衙門處理得來就一定會自己處理, 若果處理不了, 也絕不希望找軍隊, 因為軍隊一旦處理, 日後就要面對很高昂的苛索.

    若果今次維穩辦處理不了, 最後必要以軍隊鎮壓,
    就預料中共很大機會日後出現蘇聯式的倒台.

    中共不是腦殘, 而是作惡太甚, 走到這一步棋還以為靠惡以破壞去凌架一切, 殊不知道歷史的恥辱架己經為他們準備好了.

  2. 自治香港政府面對的好可能不是解放軍,更有可能的是一波波越山而來的飢民,流民或暴民,受共黨唆使也好,被趕離原居的也罷,若果他們數以萬計的破壞羅湖的鐵絲網,香港可以抵擋嗎? 仲未計數以萬計的手持隱性居港權的蝗民,佢地完全有權入境,呢鋪都唔慌唔大檸樂。

  3. 五十年代也有難民潮。
    不過當時香港工業正在起步,
    能夠吸納大量工人。
    香港要隱定大局的話,
    一定要發展農業工業,
    儘量保持自給自足,
    這是自治的基礎。

  4. 若果香港有難民潮, 即代表連深圳政府都處於失控地步,
    就不要相信這個無能的香港政府能夠懂得去處理.

    到時只能靠民間自我保護, 例如貯糧/水/藥在民, 提取港元換美鈔, 並準備護照, 逃離路線等. 亦即時martin 常說的最壞打算.

  5. @Alvin 嶺南係中原嘅殖民地,同藏、疆、蒙一樣要消滅其文化、語言,霸佔原住民土地。廣東廣西完全有資本自建聯邦獨立出中國,一個粵人建立嘅政權對香港人點都有利過中原撈頭落後嘅黃土政權。

  6. 時間越耐,越覺得香港再冇可能返到以前咁,而我都怕自己因為咁,搞到做一世廢人…(未夠三十做保安+送貨,真係唔知路可以點行)

    除咗儲水、糧、藥之外,我仲可以做d咩?
    續護照問我有冇回鄉咭嗰陣,答唔答佢好?
    未解決到呢個問題,睇怕我走唔到

  7. 唔係話唔想作最壞打算,而係大多數香港人(尤其係手持過期BN(O)個批)都係坐困愁城,如果生活唔係話掹掹緊,有些少本錢,兼且護照續期順利嘅話,或者真係可以規劃移民(應該係逃難)路線圖。

  8. 新消息,烏坎好似話停,滿意答覆,繼續談判咁話…
    但會否因村內糧水短缺而佯稱滿意,體面休戰?
    又或者,會否空頭支票,甚至秋後算帳?

    魔鬼從起初就犯罪。(約翰講嘅)
    同理,魔鬼不斷講大話。觀乎歴史,中共冇停過大話,故與魔鬼同類。

    我擔心嘅,正正係佢哋相信魔鬼會守諾。

    我祖籍陸豐,雖非烏坎。但連日來正為此事憂心莫名。

  9. 聽聞潮汕不久之前發生過一單車死人不顧而去事件,死者是十幾歲靑年,車死人的人屬當地權勢人士,事發他不顧而去,當地青年後來發起堵路運動迫令車主蒲頭解決事件。

  10. 權貴能壓制住群眾,並非力量比群眾大,而係群眾大多苟且,但若果完全切斷群眾生機,就必定會失控.

    何以北韓至今仍未失控?

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.