烏坎抗暴

因為自小弟2010年嘅休blog日起,小弟已經唔多想發暴亂警告,所以我好遲至講烏坎事件。但依家陸豐嘅形勢,我認為已經係一個重要嘅turning point,香港人必須注意。

呢次烏坎咁虐待村代表,同埋用到圍城斷水斷電呢啲仆街招,簡單嚟講,佢地係用1948年長春圍城戰呢啲hihi手段對付村民,根本係人道危機嚟,當年國際社會唔理長春圍城戰,幾多人被餓死。所以香港人一定要留意呢件事,特別中共呢班人渣,係夠膽喺香港採取同樣手段。

而鳥坎人並無似當年國軍同民眾咁坐以待斃,因為中共意圖攻入去,但烏坎人武力還擊。而與此同時,陸豐係同時發生教師維權事件,越嚟越有跡象,中國嘅維權抗爭由點變線,再變成面,咁樣玩落去,係好有機會釀成巨變。

由烏坎嘅教訓,可以話俾香港人聽係,中共唔一定用駐港解放軍真係殺平民,佢地用圍城手段都可以,一如大石英司寫嘅《香港獨立戰爭》呢本小說嘅橋段。而香港人可能要開始學習使用Ka Band衛星嘅通訊手段,自行儲糧,同埋果班喺原居民港奸手上嘅土地,有必要時要徵用作糧食儲備,或者自己屋企有細路仔嘅,應該考慮留唔留喺香港嘅問題,長春圍城戰嘅結果係好令人不寒而慄。而香港人亦要準備好同海外各國政府聯繫,有必要果陣係要請求外國介入。

中國共產黨就係一個人渣政權,讀歷史會令大家知多啲呢班友,你話《天與地》人食人得人驚,你梗係未知乜叫地獄。

後話:大石英司《香港獨立戰爭》嘅劇情簡介:「香港獨立戰爭」是指香港想獨立,因此中共軍隊對香港軍事封鎖長期化,因為二百萬市民失去了食糧、水及電氣,日本決定以人道立場來救援,但是祇派出一艘運輸艦及其上搭載的一艘反潛機來護衛滿載援助物資的二十幾艘民間的貨物船團。但是中共指此為侵犯中國主權,而宣布將以最新銳的基洛型潛水艇來加以攻擊,日本船團在外交上陷於微妙的立場,而中共的潛水艇則等在巴士海峽。

一旦三百幾萬BN(O)、BC同各國公民嘅香港被中共咁玩法,大家諗到係乜嘢戰略災難會發生。




18 thoughts on “烏坎抗暴

  1. 若然說到 “香港圍城”, 那便要認真想想三件事:
    1. 土共不斷認為海水化淡廠是不可行
    2. 土共不斷強調香港只有金融服務業才是出路, 難以發展其他產業
    3. 環珠三角宜居灣區規劃行動

    1. 應該最容易明白到底玩乜。
    2. 就係將primary & secondary industry 從香港連根拔起, 既使到經濟活動泡沫化, 同時又將使無法進入呢啲行業嘅人迫埋牆角, 連生計都成問題。
    3. 呢單嘢美其名話 “發展”, 我唔講起樓呢個point, 實際上係將新界東北地區, 東起鹿頸、禾坑起的沙頭角公路沿線, 經粉錦公路蕉徑一帶, 西至河上鄉、古洞, 呢啲仍有農耕產業的地區撤底鏟除。

    即係1搭3 使 “食” 呢個問題要香港人 Totally relying on 中共。再加埋2. 就變成 “你有本事就留响香港”, 所以今年1月25日文匯報瑞銀王震宇話 “至於窮人住屋難, 那便請低增值人士離開香港”, 的講法係絕對成立

  2. 只需要關晒中資銀行就可以, 城市唔同農村, 城市大部份人放錢係放響銀行, 家陣太多人放太多錢響中資銀行.

    只要銀行關atm 同埋提款一個月, 己經足以令到絕大部份人無足夠資金購買糧食.

  3. Jacky Lim 兄
    重有雞鴨豬場, 任意填土封田
    所謂乜Q新東九CBD (唔明點解跟鄰強地產佬叫法玩一市多個CBD)

    而海水化淡廠選址根本就有問題既

  4. 293080兄:
    無錯!
    雞鴨鵝場+中央屠宰 , 只係借H5N1做屠刀。聽返老一輩禽農講, 根本呢類雞瘟鴨瘟以前都有, 只係呢幾年可能真係出現變種而增加麻煩。但事實上只係將佢哋趕盡殺絕
    豬場就借污水同豬流感做屠刀。記得沙頭角定坪輋嗰邊仲有一個豬場, 就係污水同防疫都搞得掂, 政府無晒佢符。但佢用豬糞生產沼氣自行發電, EMSD 想鋤死佢, 結果又跟正手續做晒嘢結果又係無佢符

    至於新東九CBD, 擺明地產霸權架啦, 尤其是留意下個monorail 响九龍灣嘅走線會係點….仲有就係為徹底鏟除觀塘工業區, 扼殺重新發展工業做準備。

  5. 香港人點解快樂指數高呢?
    唔係因為香港人聽教聽話,而係香港人係有付出過。好多人都以為香港人係馴民,所以生活快樂,係錯的,因為解釋唔到有咁多人同時快樂,奴材係唔會帶動社會進步。
    而係香港人一同奮鬥過,香港人係有希望,係可以領導社會。係顧全大陸同時,竟然使大陸人放棄恐佈主義,已經係大奇跡,假以時日,入黨只係為左阻止共產黨係有咁既可能,因為香港將會有個強勢首領,共產黨只係歷史吧了,或者可以咁講,佢一直都無領導過中國,中國只係一個無政府國家吧了。

  6. 我都唔明點解中國人咁鍾意跪地。人地中東人反政府,話反就反,話打就打。有人採訪,就對住鏡頭就大大聲,理直氣壯講有乜要求。所以中共一出少少甜頭,d村民就會投降。

  7. 而家大陸咁0既樣, 真係最多撐多5-6年左右.
    戰略上, 香港而家其實係需要考慮吓, “如何回歸英國” 呢個問題

  8. 香港人民可以參考烏坎村村民。事件每日都有更新,當然各大香港嘅黨報都冇講,要睇就睇BBC同Daily Telegraph又或者大紀元報都有較詳細報導。

  9. 大陸政府以為自己可以控制煽情,煽情只不過是工具而已。妄想得有如發明原子彈的科學家以為自己可以控制原子彈。要跪即管跪,要拍即管拍。你知道將來嗎?跪得多都可以係煽情舉動,有種你就修改憲法,禁止跪拜。

  10. 衛星未必有用
    因可能有干擾

    小說有中文版

    JACKY凌天羽 好POINT
    HK很多人用中資銀行
    大家應身體力行不用中資,不買他們股票
    他們的股票現在不斷跌

    海水化淡廠選址詳細希望

    難得這裡討論得很好
    看來大家對革中共命很有心

    傳染病醫生說過防H5N1無需殺雞
    另外中央屠宰,不可過夜亦令街市沒存貨

    尤其是留意下個monorail 响九龍灣嘅走線會係點
    詳細希望

    中國只係一個無政府國家吧
    全國各區各自為政
    連軍隊也分軍區
    也會有不同做法EG 64
    比美國聯邦差遠了
    中央沒大權力

    TC says:
    December 14, 2011 at 1:14 pm
    我都唔明點解中國人咁鍾意跪地。人地中東人反政府,話反就反,話打就打。有人採訪,就對住鏡頭就大大聲,理直氣壯講有乜要求。所以中共一出少少甜頭,d村民就會投降。

    X2
    因有種的人在歷朝被抄家了

    薩卡萊 says:
    December 14, 2011 at 5:42 pm
    中國人咁鍾意跪地,因為無人想做爛頭卒囉。衛斯理小說其實都講過呢個情況

    香港人真的不是中國人,沒人跪地,頂天立地,之前跪的也沒再出現了

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.