大亂局

唐英年喺晚上八點幾食飯時間開嘅記招,將乜責任都推到佢老婆郭妤淺身上,由於唐英年啲「課外活動」太深入民生,郭妤淺個樣係唔掂都好,師奶聽到唐英年咁無膊頭,唔只鬧爆,當埋係陳健康、陳冠希都得,呢啲師奶大忌都唔知,唐英年一定玩完。

但有樣更詭異嘅事嚟係,北京唔表態挺梁振英,梁振英亦唔敢抽唐英年水。

梁振英唔敢抽水,因為佢唔知習近平返北京之後,會唔會成個核彈送到佢頭上。

本來喺習近平訪美期間搞埋啲咁嘅偷襲,知中共政治都知,你對手被毀滅你都唔會贏,因為呢啲趁阿頭外出搏懵嘅行為,俾你得手真係天下大亂,所以就算唐英年瓜咗,習近平都已經唔一定會俾個位梁振英,最多推佢啲後備,本來應該用喺中央有急事果陣至用,但依家搞到要攞出嚟用嘅江湖救急人選,甚至推郭妤淺出嚟選都得。

更大嘅問題,我都講咗n次,梁振英同薄熙來班友關係太密,而依家美國之音報導係,國務院啲官流出嘅source,王立軍有提供大量薄熙來謀反嘅情報,而薄熙來謀反背後老闆係周永康,啲堅過石堅嘅黑材料,我睇唔係嚟自中聯辦班酒肉朋友,因為約道似係中聯辦鐵竇,呢鋪西環都被梁振英起尾注。如果梁振英喺王立軍俾啲料上出現,或者佢啲老友喺王立軍俾啲料上出現,你估習近平會唔會俾梁振英選特首。加上揭黑材料咁揭法,支持唐英年後面班友驚你梁振英上台秋後大算賬,仲唔趁你未選到特首做低你。

所以葉劉淑儀意圖搏懵,佢條友嘅戰術盤算勁就勁,可惜佢唔記得咗佢基本法廿三條果陣嘅表現呢。但依家情況好清楚,唐英年一連串膠到無朋友嘅事,只係一場江湖大廝殺嘅序幕,依家仲可以笑,遲啲大家諗吓可以點自保。



17 thoughts on “大亂局

  1. 本來我都認為CY 己經有7 成勝算, 但掃過下香港報紙堆A1 之後,
    加埋其它習近平既新聞, 有種感覺係, 分分鐘范太+葉劉會落場打PLAN B

    己經估唔到個局會點.

    呢段時間, 股票唔好掂就係啦.

  2. 范太同葉劉落場打Plan B,都只會係互相毀滅收場。因為北京班友打仗無底線,連中聯辦個鐵竇都可以唔理,隨時約時七號係「紅樓」香港版嘅話,大鑊唔係唐英年,係西環班大帝。咁都唔理, 證明中南海最高層,為擊倒對手,乜都可以做。

    黑材料毀滅范太同葉劉,都未係最膠嘅劇本,更膠我唔識諗,特別王立軍事件之後,以往唔會發生嘅事,依家都會發生。

  3. 如果玩大, 搞一個簽名活動, “我地只會支持改24 條, 收回移民審批權的特首當選”
    若果有足夠簽名, 將簽名比晒兩家人…..

    響呢一刻利用民粹去迫簽支票, 可行嗎?

  4. 絕對應該咁做,迫佢地做賭撚。

    一早應該喺選委選舉果陣侷人做賭撚。侷人賭J,係民主政治不可或缺嘅一環。

  5. 又來一鑊精彩野呀

    昨天既吊車陣, 玩到連記者自由都開始被國內所關注, 中共又桶穿另一隻鑊….
    網民見到香港日港記跟內地輿論環境封閉形成明顯對比.

    原URL: http://qiwenlu.blogspot.com/2012/02/blog-post_1660.html

    香港特首參選人唐英年僭建事件(詳見A2、A3版報道)在港引起轟動,《南方日報》昨以「人類已經無法阻止香港記者了!」為題,在微博發布香港記者用吊臂車採訪的文字及照片,網友盛讚港記拼搏與敬業,也慨歎內地輿論環境封閉。

  6. 最膠最好玩到絕 , 就係狼英鐵頭何范婦人件件無份 , 指示舉手機器支持兩隻出來渾水摸魚的悉尼老鼠 , 黃綠胡混一下 .

    反正都係行屍走肉 , 懵董早已係前科 , 扯線公仔何須講民望質素 ?

  7. 睇個樣,港共政府同佢對手仲未想唐膠年咁早英年早逝。因為佢聲稱個所謂”違建地庫”係出入伙紙之反自己加,無所謂整假圖則同文件,所以唔涉及更刑事罪行。不過如果有人想玩大,申請入去唐屋做inspection,睇下跟足apporved building/structural plans起個一part同unauthorized個一part之間石屎接駁口係點做法,就可以知道合法同唔合法個兩部分係幾時起(i.e. 邊個起先,邊個後來起,係可以睇得出)。呢個係好簡單落石屎問題,一個係地盤落過石屎ge工人都知。所以唐膠年會趁早整走個地庫。

    如果係出入伙紙前巳起好大地庫,又無Buildings Dept批准,個單工程個AP/RSE同埋contractor又知情不報(可能有人收左$$,齊齊去呃Buildings Dept),呢班人一齊釘牌。膠年條命咁貴,點會起個大地庫唔問engineer/architect意見,放手俾一個判頭亂起。

  8. 鈺成唔係唐生的後備,而係中共既後備,亦係最唔想用到既選擇
    佢比起梁振英更紅更專更有黨性,但我估真係曾鈺成上,

    本身民建聯己經係立法會最大黨。再比埋特首好易會變成前蘇聯葉利欽呢一種人,會令香港變成獨立王國,有足夠本錢唔啋中共,所以中共一直限民建聯權限,只係比佢有立法權,但唔比佢有行政權。

    響香港,中共一直養緊幾個特首候選人,唐英年,梁振英,葉劉,范太,
    英年振英兩敗俱傷,但係葉劉呢個人仲未夠火候唔出得場(佢過多十年先至夠)
    范太上馬又太急,佢根本就無政網可以出,咪最後迫不得己要搵到曾鈺成

    比佢上會直接響2017年之前,將香港政府由行政主導變左政黨輪替...
    特別係特首選舉跟住就係立法會選舉,咁搞法,會打亂晒中央既籌算.
    但我認為,對香港人來講,絕對係最好既結果

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.