殺戮戰場,要走趁早

2月20日,有兩件事正式宣布,香港同中國大亂局開始,如果要買機票或更新護照著草,請趁早。

1. 連再揭感情缺失,都阻止唔到唐英年攞住379張提名飛參戰。
2. 葉劉淑儀宣布參選特首。

葉劉淑儀參戰係成件事最得人驚嘅地方,唔單只證明中共對香港土共全面失控,仲代表十八大權鬥已經去到攤牌階段,戰場設定喺香港。

葉劉淑儀唔會未攞夠一百五十張提名貿然入閘,換言之,佢係北京嘅代理人嚟。如果連曾鈺成又入閘,梁振英又入,成件事就亂到七彩。兼且用得葉劉嘅人,絕對唔係一般料。

呢次選戰嘅結果,乜都有可能,可能係何俊仁做特首,北京有人拒絕委任佢造成憲政危機,可能係因唐英年或葉劉淑儀是但一件當選,引發香港暴動,可能係梁振英、唐英年或葉劉淑儀當選,甚至何俊仁當選,觸發中國內戰。而且局勢,好可能係三十至六十日內急速惡化。唔好問中央政府撐邊個,中央自已都分裂,你不如去求簽問車公。

我唔希望果啲差都極點嘅預測發生,有啲嘢唔中好過中,但如果你有細路仔,請幫你自已同細路攞定外國護照同有買定機票嘅準備,因為有細路嘅,應該先走,無理由搵細路仔嚟陪葬,你唔知依家北京班hihi玩緊乜。家長有責任,預計最差嘅狀況。



20 thoughts on “殺戮戰場,要走趁早

  1. 大概情況:

    – 曾鈺成應該唔會去馬,除非最後關頭北京有指示

    – 葉劉實質在押注落梁振英度,搏被委任做 CS,佢而家表左態都應該唔夠票入,肯定未過 100 票,要再爭餘下那 50-60 多票要等佢能否同梁振英私下商量,及民建聯和工聯會肯唔肯過點票和其他遊離票

    – 理論上有 638 票未表態,而實質得 238 票未表態,主要是民建聯和工聯會內既選委和部分專業人士選委。有 1/3 選委,主要是地產商的第二代,其高層和生意與地產商有密切關係者,不會下注提名比任何人免歸錯邊,投票意向也等中央最高指示

    葉劉落到場,要第二輪投票的機會高一點,也代表梁振英的勝算會高一點。因此,梁、葉劉與遊離票如何合作變得很關鍵

    只能話,葉劉如果能夠成功入閘,有利提高梁振英的勝算,但最終決定權仍是關鍵四百 “等最高指示” 票

  2. “葉劉淑儀唔會未攞夠一百五十張提名貿然入閘,換言之,佢係北京嘅代理人嚟。如果連曾鈺成又入閘,梁振英又入,成件事就亂到七彩。兼且用得葉劉嘅人,絕對唔係一般料。”

    如果曾鈺成都入埋閘至係。所知北京暗示過可以參選者,若到今日未有指示叫佢唔好去馬,佢去唔去馬,北京暫時不會干預。不同參選組合,北京早就有不同處理方法。

  3. 恕小妹無知, 唔計23條事件……葉劉算是多位侯選人中為人相對正直的一位~我有少少支持她… 她出任會發生甚麼可怕事?
    唉!件件都係屎, 真係睇到好X厭 = =

  4. 我估係神鬼不分. 最後何俊仁跑出…但係他和民主黨可能才是最大的無間道….可能係兩三方力量既間諜….

  5. 要番睇新聞,原來四大地產商已提名謊唐,那和要脅中央,就算謊唐零民望,正式被刑事起訴也要接受他當特首。

    若過提名期,只有梁 (未必夠票)、唐、何入閘,已代表中央默許不止地產霸權進一步壟斷,甚至已代表習近平主張的三權合作正式取代 HK 的三權分立核心。

    留不留港,自行決定。

  6. Zeus Cho :

    理論上選戰形勢唔係一面倒唐營贏硬既情況下,四大地產商唔會馬上落注,因無佢地 proxy 既票,謊唐都夠票入,但落錯注,後果可以好嚴重。

    現在謊唐民望低成咁仍得四大地產商力撐,只有 (a) 北京指示和 (b) 地產商聯手要脅中央兩大可能性,理論上不會是 (b)。

    因此,最壞推斷:習總訪美及愛爾蘭前已交帶落,無論爆出甚麼有關謊唐的大鑊醜聞也要像政府撐聯繫匯率般撐住佢!因習總代表的既得利益和 HK 地產利益已不可分割。

  7. 既然四大地產商已表態強行扶謊唐上,得假設現在實質已代表謊唐當選。以此前提,政府主要管治團隊會係:

    特首 – 唐

    CS – 公公留任,能夠做零民望特首的沙包,只有早已零民望但同公務員團隊重合作到既佢至梗得落

    律政司司長 – 可以是任何與內地關係良好的大狀,只要他肯再在有需要時學當年梁愛詩放生胡仙即成

    財政司司長 – 這位置比特首更重要,尤其是對住完全無危機管理能力的特首,他必要時可架空特首權力獨立決策,就算無重大經濟危機炸彈要拆,他也要協助中央處理境外人民幣流向和境內人民幣逐步自由兌換的部署,與中央財金團隊,金管局和財經事務局的默契要非常好,要理解如何令 HK、前海和上海三大金融中心分工,做大個餅而非三地自相殘殺,理論上任志剛肯出任最好,而且金管局 CEO 和財經事務局局長人選,謊唐最好完全放手比任志剛揀

    發展局局長 – 四大地產商肯硬撐謊唐,當然期望主責土地規劃的局長任由他們擺佈。以此前題,頭號心水一定係邱騰華

    發展局副局長 – 當然係今日上生果報頭版那位拓展處處長,將來田生地產收樓,明目張膽由 AM 車接送,官員開路,社團做保鏢,將是見怪不怪之閒事

    其他 – 民望越低既官員越要提拔

    立法會主席 – 謊唐做特首,曾鈺成留任立法會主席,更為重要,各議員若重演各類企圖足以令政府出現憲政危機的行為,例如不通過財政預算案,在零民望的政府當政的環境中,只有他有能力幫忙遊說各議員化解危機

  8. 依馬打
    地產商係投唐英年, 但係地產商的生意與地產商有密切關係者, 即建築/畫積/供應商等, 係非常憎曾蔭權果一種地產政策的.
    building contractors 要 volume, 所以支持隻狼, 八萬五年代端安勁多 job
    developers 要 high margin, 唯有將住宅當係 luxury goods o甘賣比大陸官賊, volume大縮 損害了 building contractors 利益, 但投地冇margin, 咪靠閹割本土業主, 勾結 BT同豬等人渣玩行政強拍

  9. S:
    王立軍如果死左真係無野, 但家陣係將中共矛盾引爆左, 但主因係江派開始解體, 整死薄就係先要解決其中一個最狼既敵人, 原本習唔想整薄的, 但黃立軍事件後佢被迫要整薄

    CY 佢可能只係幾個月前收到風肯放佢入場至入馬, 至於係咪周永康, 無實質証據好難咁講, 佢未必會因為周永康下台而退. 亦己經唔似係佢可控制範圍了. 而葉劉亦比唔到人感覺佢後台係邊個, 分分鐘可能只係自己走出來都未定.

    家陣靠”中央指示” 會變得有問題, 周永康就算完蛋, 習近平VS李克強都仲會暗戰, 胡錦濤佢本來就唔中意習近平的. 係比曾慶紅推佢連升三級跳掉, 先至欄住李克強條路.

    至於四大入去托佢, 似乎係佢地想先聲奪人而己, 400票都未有, 絕對唔似有充份保証, 亦唔似係無信心, 家陣用左五百多票, 仲有六百幾票響出面, 即係商家都係賭一鋪.

    我唔想講邊個嬴, 唔想影響呢度討論. 但無論如何, 民建聯呢個立場就算曾鈺城上, 都會被上面既另一派打, 分分會分裂(民建聯有人橕唐, 亦有人橕梁) 香港政府會弱勢得好緊要.

    走為上著

  10. 依馬打:
    你果個方向一直係響商界度唸, 所以你話用唐+D9 先至成立啫.
    但咁做, 港獨勢力會有高速擴張空間, 成個中央都己經知道勢力抬頭.

  11. 唐唐既強勢 , 工聯會同dab既一直唔表明撐唐, 根本表達左商界直頭當中央無到, 李+x班友根本唔會理中央之笛, 中央亦唔見得真係好想唐唐做, 只係部份共產黨人士同香港商界有緊密關係,

    習總都未返黎, 唐狗就趕入閘, 可以證明商家佬想壓過中央意思 , 無視中央, 強行推自己既人上去 , 亦睇黎江派已經唔同團派講數

  12. 唐唐咁都入到閘真是無野講,我想爆頭都想唔到個合理理由,唯一理由就是大地產商同商界利益吧。唐唐當選香港應該好快可以獨立。
    葉劉上台真係會強推23條? 何俊仁會是美國間碟嗎?

    Martin, 你覺得走出去移民做二等人真是好過留在香港嗎? 眼見好多朋友是專業人仕移民外國後都是打餐館工,前途無曬,講來講去都話為下一代。最緊要是去到外國點為生?我認為香港除非戰亂,要香港人走真是一個好難的決定,真是值得連根拔起為左去外國做餐館嗎?而且歐美經濟咁差,去到外國點搵食?

  13. 移民唔等同走難,如果係因為局勢已經危及人身安全,走難到異地,身無長物由零開始,呢個係無辦法,情有可原。(應該會有國家以人道情況收容難民)

    但移民就唔同,唔係淨係走咁簡單,你無周詳嘅部署,去到另一方點樣生活,呢個會係一個比充飢更為重要嘅問題。基本上冇經濟基礎,即使你有外國護照,人地都唔會俾你入啦。

    我地係無奈要眼白白睇住是但一個做左特首,冇投票權,不過咁多年黎政府及商界霸權對市民嘅打壓,香港人慢慢地會走上對抗嘅道路,爆發只係遲早問題。

  14. 小P ,
    我所講的移民外國朋友已經是有錢有計劃的人來,在香港做中產,佢地去到外國都要做低下層,我覺得外國唔會當香港人是難民,除非大陸亡國,咁就有機。
    仲有,有外國護照(for. e.g. 美國),美國點會俾你入呀。
    香港獨立是遲早的事。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.