決戰324

2012年3月23日,香港理工大學HKUPOP popvotem票站
博主自行拍攝

有人話《天與地》啟德演唱會果一幕係天方夜譚,結果喺2012年3月23日香港大學民意計劃嘅特首公投,竟然變成《天與地》唔可能出現呢一幕嘅現實版,並且搞到中聯辦班膠人喺全世界面前出醜,呢個世界就係咁超現實。

成件膠事出現喺中聯辦一個未遂嘅陰謀,就係諗住用去年區議會種票嘅方法,打算騎劫HKUPOP個公投,然後幫梁振英黃袍加身,最後係諗住買一大堆SIM Card嚟做數,點知被蘋果日報篤爆咗,呢啲人變咗《天與地》啟德演唱會一幕啲唔甘心人,再加上李嘉誠決定同中聯辦攤牌,喺全長實集團發出電郵要求員工參與呢種香港保衛戰,3月23日結果大批人上網投票。

Plan A衰咗就出Plan B,民賤聯(呢度日後叫呢個組織叫DLS,識香港語嘅自已領會吓)無嘢多,師奶兵、老人家兵最多,所以佢地一定會動員啲人一車車去實體票站投梁振英,所以就hack咗HKUPOP嘅網站,謀求實體決定都係梁振英贏。

當然中聯辦班賤人,並唔會咁簡單,
高登仔篤爆有人引入去中國國企搞非官網投票

有位高登會員編號254229喺度貼一個IP話可以去HKUPOP投,結果係中國國企擁有嘅主機,當然係偷資料,呢啲同賊一樣嘅手段,喺3月24日呢場大戰會不斷發生。

各位ABC黨(Anyone but CY或Anyone but Communist)朋友,記得今日下午四點前去popvote.hk投票,結果發生擠塞,就即去各票站投,以下係票站地點:

(1) 正規票站

香港理工大學 (GH201)
屯門大會堂 (一樓展覽廳)
柴灣青年廣場 (柴灣港鐵站A出口新翠商場接駁天橋)

(2) 附屬票站

香港大學沙宣道會堂
教協會所* (銅鑼灣堅拿道西15號永德大廈閣樓)
中環Gallery Exit* (中環善慶街1號地下)
上環Rat’s Cave* (香港上環太平山街18A-B地下)
香港兆基創意書院* (九龍聯合道135號)
上海街視藝空間* (上海街/咸美頓街交界)
長沙灣社區二手店* (元洲街267號昌發工廠大廈1樓B)
馬寶寶社區農場* (大埔馬屎埔村)

(3) 流動票站(註:如有場地限制,位置可能略有更改,最新消息請留意網站發放)
九龍西 (深水埗黃金商場附近)
新界東 (沙田大圍港鐵站附近)
新界東 (上水港鐵站附近)
新界西 (元朗炮仗坊附近)
新界西* (錦上路港鐵站附近)
新界西 (荃灣兆和街千色店及路德圍附近)

呢次係香港核心價值嘅捍衛戰,大家一定要出嚟投。


8 thoughts on “決戰324

  1. 一句到尾 , 要民主爭普選 , 點可以自閉做宅男毒女 ? ! 最莊嚴莫過於親身投票 .

    公公婆婆行動不便人士 , 為投票都唔怕排長龍久等 , 年輕力壯豈能後人 ?

  2. Wan Chin
    一些政黨、一些民間運動鼓勵某些選舉委員投白票、杯葛投票,以此導致流選,結果都是分散本地資本家和泛民主派候選人的票源,間接幫助梁振英上台。如果他們知道這個後果仍然這樣去做,以後就不要假裝埋怨。
    香港所謂民間抗爭之蠢鈍,在我意料之中。抗爭必先要裝備頭腦,然後才可行動。但香港往往是用機械選項、指定動作來規範行動,所謂和平、理性、非暴力,示威遊行白票論,結果是次次失敗。
    至於那群反梁振英的本地資本家,我只能問一句:你們現在才反共?你們倚仗共產黨、向共產黨獻媚,狐假虎威來瘋狂剝削香港人,搗毀香港人的生計和殘殺香港人性靈,肆意打擊香港民主抗爭運動,壓迫自由言論者,種種罪孽和政治欠債,你們還沒清算好啊。你們還未懺悔好啊。共產黨要打擊你們這批親英親美的反骨仔,你們現在才回頭來擁抱被你們殘殺和虐待的香港人民?你們睡醒了未?世界上豈有這麼便宜的事?我三年前就在《信報》警告過你們,要撤出立法會功能組別(在功能組別放棄一切投票權),那是共產黨為你們設立的政治監獄,在《香港城邦論》第八章也明示香港資產階級無家無國,必須參與本地政治,否則喪失政治地盤,無家可歸,必遭中共連根拔起。
    然則,香港的選舉不是我關心的,我關心的,是中共何時倒台,中國何時解體。中國解體才是災難,香港選舉只是笑劇。

  3. A貨香港
    一國兩制,港人治港,明明是騙人的A貨,務實的港人照單全收還對A貨歌功頌德。
    五區公投是正貨,但愚昧地被分化,誤導及收買以至坐失良機。
    小圈子特首選舉本來就是A貨出A貨,但有人發現可以望梅止渴,現在操縱者就是搞破壞,連望梅止渴都不淮。
    這場猴子泥漿賽後,港人相信會夢醒過來,但北大人也無需再暗裏行事,可以明刀明槍。

  4. The more these commie hackers interfere, the more people will actually come up in person to vote. Great analogy with that epic When Heaven Burns scene, Martin.

    I’ve done my part and voted.

    BTW, this Lam Kay article is excellent. So that’s why he’s been away for so long, because he’s seen through everything in order to see the whole picture.
    http://plastichk.blogspot.com/2012/03/2012.html

  5. 民主同音樂都係人類的本能好貼切。
    民主唔係政制係人類的本能。民主唔適合中國文化係錯的。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.