薄熙來玩完,隻狼仲有得玩?

薄 熙 來 去 職   中 央 稱 從 當 前 形 勢 大 局 出 發

2012-03-15 HKT 13:19
中 共 中 央 決 定 , 薄 熙 來 不 再 兼 任 重 慶 市 委 書 記 、 常 委 及 委 員 職 務 , 由 同 樣 是 政 治 局 委 員 的 國 務 院 副 總 理 張 德 江 兼 任 。
有 關 決 定 由 政 治 局 委 員 、 中 央 書 記 處 書 記 李 源 潮 , 在 今 早 重 慶 市 領 導 幹 部 會 議 宣 布 , 表 示 今 次 職 務 調 整 , 是 中 央 從 當 前 形 勢 和 大 局 出 發 , 經 過 慎 重 考 慮 決 定 。 張 德 江 亦 出 席 了 會 議 , 並 發 表 講 話 。

報 道 無 提 及 , 薄 熙 來 政 治 局 委 員 的 職 位 , 是 否 有 變 。

另 外 新 華 網 引 述 中 央 組 織 部 負 責 人 證 實 , 正 接 受 休 假 治 療 的 重 慶 副 市 長 王 立 軍 , 已 被 中 央 免 職 , 正 按 程 序 辦 理 。

薄熙來已經玩完,依家爭七中全會解除佢黨內職務,然後正式好似陳良宇咁被人拉。

昨天溫家寶講話果陣,個個都以為溫家寶欽點梁振英,但我已經覺唔係,因為由最多民意支持嘅人做特首,果句係官話嚟,更何況溫家寶有名係政壇明燈,佢講嘅好多時同實際做嘅相反,否則都唔會叫影帝喇。

但呢句話,大家留睇,呢個係薄熙來即時Game Over嘅原因:

「中央作出關於正確處理若干歷史問題的決議以來確立了解放思想、實事求是的思想路 和黨的基本路 ,並且做出了改革開放這一決定中國命運和前途的重大抉擇。」

佢引用係1981年《關於建國以來黨的若干歷史問題的決議》,呢個係開放改革政策嘅立憲基礎。

「文化大革命」名義上是直接依靠群眾,實際上既脫離了黨的組織,又脫離了廣大群眾。運動開始後,黨的各級組織普遍受到衝擊並陷於癱瘓、半癱瘓狀態,黨的各級領導幹部普遍受到批判和鬥爭,廣大黨員被停止了組織生活,黨長期依靠的許多積極分子和基本群眾受到排斥。「文化大革命」初期被捲入運動的大多數人,是出於對毛澤東同志和黨的信賴,但是除了極少數極端分子以外,他們也不贊成對黨的各級領導幹部進行殘酷鬥爭。後來,他們經過不同的曲折道路而提高覺悟之後,逐步對「文化大革命」採取懷疑觀望以至抵制反對的態度,許多人因此也遭到了程度不同的打擊。以上這些情況,不可避免地給一些投機分子、野心分子、陰謀分子以可乘之機,其中有不少人還被提拔到了重要的以至非常重要的地位。

無論隻狼,定係薄熙來,作為共產黨,無理由唔知個決議呢個關鍵點。呢兩條友做法係一樣, 北京唔係傻嘅,而且薄熙來啲黑檔案,隨時有支持梁振英班地產佬嘅名,大家諗吓之後仲有乜風暴發生。

以為隻狼贏緊嘅話,小心跟車太貼,撞瓜咗都未知。


18 thoughts on “薄熙來玩完,隻狼仲有得玩?

  1. 今日嘅報紙好似係度玩推背圖,話老溫講野豎起一隻手指,即暗示佢支持1號梁振英,我真係笑左。

  2. Sick Leave 期間炒人.
    另 外 新 華 網 引 述 中 央 組 織 部 負 責 人 證 實 , 正 接 受 休 假 治 療 的 重 慶 副 市 長 王 立 軍 , 已 被 中 央 免 職 , 正 按 程 序 辦 理 。

  3. 而家應該要全力打低CY既民望. 唐英年已經半放棄, 兼且佢民望已經夠低, 再搞佢只係浪費時間浪費彈藥.

  4. 貓頭鷹

    真係揀硬唐英年, 就無必要打低cy 民望, 中共佢自然會打佢落來.

    好大機會一換一.

  5. 其實阿爺在鐡頭人步入(烏燈黑火)的中聯辦開始已經收到密函,他被通知25日當日會當選,而且叮囑他不要爆響口俾禮義廉班粉皮知喎。

  6. 陳良宇只係乃中央權力鬥爭後交換條件的結果, 當時既交易係要曾慶紅下台, 而隨同既交易係要習近平連升三級, 升到超過李克強既地步, 直接封左李克強當總理條路.

    對上一次係孟學農跟張文康交換.

    今次薄熙來玩完, 可以想想, 將會係一個交易去換取另一個人既上台.
    如果薄熙來係跟cy 同背景就無交易既理由, 但現實係薄熙來係老江橕, 而cy 係傾向團派的.

  7. 凌天羽, 而家最大問題係中共冇正式既表態. 而家形勢好明確, 就係唐英年半放棄, 梁振英志在必得. 如果再唔出手打低梁振英既民望, 我地就要做好佢做特首既準備.
    而家流唔流選, 係取決於班大孖沙可以拉到幾多人唔轉軚.

  8. 天羽兄:

    根據 “鄧忍光原則”,若拉 BXL 下馬,廣東 WY 也不會進入董事局才能給眾勢力一個交代。換東大姐入董事局的機會較大。

    東大姐雖表面屬團派大姐,港澳小組成員,在港澳事務亦有相當發言權 (現在應比廖老爺更有影響力),但她行事作風素來 “海派”,來港入住紅磡海逸,與力場霸主兩父子食早餐,且北京指她才是現時力場霸主兩父子的 “上線”。

    今早力場霸主扮比 CCTVB 記者等到開金口,若無 “上線” 撐腰,料他雖為地產霸主之首,也不敢胡亂開口,因今晚就來大便論,此舉與 “逼宮” 無異!

  9. 換wy 走無乜用, 反而係換走唐英年先至可以保住上海幫最大利益.

    至於撇資論, 信佢至係白痴, 根本係講緊我一個月前講既野. 無人敢撇資的.

    cy 應該係有提出過出防暴隊對付港人, 唐英年咁爆, 即係係響行政會議度提的.
    唐英年係刻意將行政會議既野講出來, 遺反「保密原則」, 而cy 亦會低民望落選.

    可喜可賀.

  10. cy 死定, 唐英年就算選上, 佢作為無間道都一定會被人照肺, 葉劉佢話cy 無咁講過, 即係連葉劉都會拖埋落水.

    可以講, 今鋪建制一定玩完, 連西環管治都破埋功

    最好結局.

  11. 再講多一次好嗎?

    梁振英一方唔係特別強, 佢既陰私野都唔少, 本來係50/50, 只係手段運用既靈活程度太差. 加上之前班貴族放政治核彈將反對人民趕絕, 結果令人民無可能再支持佢地啫.

    家陣就只不過係好似銀英咁, 果一班貴族厘晒響秃鷹之城然後比一個支持帝制既歐貝斯坦郁啫.

    玩過board game “Stratego”嗎?最大果一隻棋叫做 Marshal, 但有天敵的.
    果一隻唯一能殺最大棋既, 叫做spy

  12. 凌天羽君看來也估到習近平和王光亞在設一個局把唐、梁兩營及其上線,背後的財閥,打手一次過先引蛇出洞再清理!

    習近平用番當年處理遠華案的心思,加上光亞叔多年的外交官歷練,看來兩營的才俊和財閥從未親身和這種級數的對手較量。

    相信不論是否流選,傳聞一直撐梁的中聯辦和挺唐的港澳辦將難免給大換血!

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.