北京大屠殺道德上衰過南京大屠殺

喺日軍1937年攻陷中華民國首都南京果陣,對手無寸鐵平民肆意屠殺,肯定係天理不容仆街作為,否認南京大屠殺嘅日本右翼分子,其實有良心嘅政府都應該見佢地入境就拉晒佢地,以否認猶太人屠殺等同罪行論處。

但1989年解放軍屠殺北京平民,比南京大屠殺更仆街。

南京大屠殺,係日本軍人屠殺敵國平民,都係仆街,但北京大屠殺係解放軍屠殺本國平民,你話邊個仆街啲。

所以唔好同我講乜嘢學生領袖有責任,或者國家需要呢啲仆街藉口,否認北京大屠殺係比否認南京大屠殺更不可饒恕。我出席六四燭光晚會,六四遊行,我唔認同支聯會鋪鋪訴諸中華民族主義。我只認同一樣嘢,呢啲反人類嘅法西斯屠夫,追到天腳底都要追。無論有份參與南京大屠殺嘅日軍,定參與北京大屠殺嘅解放軍,都應該接受審判。

而有份迫死北京大屠殺受害者嘅公安、國安、國保,更係同SS一樣嘅人渣,呢啲友仔遲早會接受審判。一旦中共倒台,有關北京大屠殺嘅血債,係一定要交由類似紐倫堡大審嘅法庭審理,以昭人類公義。

後話:我唔贊成用六四事件呢四個字,屠殺就係屠殺。六四事件呢個名詞,簡直幫中共文過飾非,不知所謂。


2 thoughts on “北京大屠殺道德上衰過南京大屠殺

  1. 說平反 其實意思只是對一個人/一批人的錯誤待遇 潛台詞是政府是有權/可以 對「正確的人」這樣做的

    (說是事件 其實也是為了和那些被殺的人作心理和道理上的切割 不過也沒錯 中國再無如此熱血的人 就是中共的最大期望吧?)

    說學生也有做錯的意思是 你搞得咁大個集會而不推翻政府是自誤 冇人會諗為你地無反心…

  2. 仆街土共, 幾時還個仔俾人, 幾時還個女俾人?
    一句經文送給天安門家長:
    一把利劍將刺透心靈

    我都不認同支聯會鋪鋪訴諸中華民族主義!

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.