庶民觸覺

有啲人可能覺得好奇怪,點解黃世澤近日成日周圍影相,周不時都會拎住部M43相機影相。

一方面,呢個係我用嚟減壓嘅方法,你會發現好多香港人每日抽一兩個鐘可以減壓嘅時間就係影相。另一方面,泛民嘅政治人,有啲人好成功,有啲人好失敗,但失敗果批,好多同佢地平日缺乏正常興趣有關。

雖然呢個博客成日講政治,但我平日生活卻係避免廿四小時都政治,政治幾黑暗,我仍然抽時間去享受美食,去公幹照樣抽時間睇花,因為你廿四小時都政治,會同民眾生活脫節,同以前啲讀書人一樣,無咗對民生問題呼吸同觸覺,結果就係嚴重脫離群眾。依家泛民問題,就喺呢度。

彭定康到羅文嘉,佢地都係以掌握民情精準著稱嘅參謀。而佢地精準嘅奧妙在於,佢地唔鍾意孤芳自賞,而係平日生活都係同民眾同呼吸。搞政治走去孤芳自賞,最終只係死路一條。


4 thoughts on “庶民觸覺

  1. 高官們食在高級會所、五星酒店,渴法國紅酒,所以只看到香港有幾好。庶民做甚麼,吃甚麼與它們有可相關。

  2. 談起減壓 , 不會損人害己的良好嗜好不下千百種 , 優秀者例如攝影 , 藝術 , 更可昇華為文化 .

    用酒色財氣以至毒品來所謂減壓 , 骨子裏只係自欺欺人 , 放縱自棄 , 真正強者怎會怕壓力 ?

  3. 我唔做運動會死, 會不停打呵欠標眼水, 好和諧的遊行一樣
    果鍋唉振英哥PK好正, 有個亞媽見到我喪叫PK, 立刻掩住亞仔隻ear
    因此, 我就更加向住令仔更加大力叫PK………
    唸玫瑰經都得, 唸痛苦五端, 阿媽呀……….

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.