小心果啲騙徒候選人

立法會2011年6月15日德育及國民教育科動議表決結果
何秀蘭修訂案表決結果
余若薇修訂案表決結果
張文光修訂中修訂嘅表決結果

近排有啲抽水政客,包括偽獨立親建制議員,以至部分扮激成日叫人投白票嘅統一民主教教主,大大聲話自己政綱包括反對國民教育科,但實情呢?

為免嚟自人民力量嘅粉絲(簡稱人粉),喺度又攞黃毓民嘅演講片轉移視線,我有必要做文抄公,重貼呢個動議嘅exact wording:

教育局早前建議把‘德育及國民教育科’列為必修科,惹來公眾關 注;中央人民政府駐香港特別行政區聯絡辦公室宣傳文體部部長郝 鐵川在網上高調發表言論,指新科目是一種‘必要的洗腦’,又質疑 ‘不聽中央政府的’不算是國民教育;及後更有香港教育局官員在課程指引的諮詢會上表示 ‘(民主自由等)普世價值等於西方價值’,並訓斥教師‘硬要用負面的角度講國情’;為釋除公眾疑慮,確保新科 目的設立不會被利用成為灌輸政治思想的工具,本會促請政府:
(一) 正視教育界及公眾的關注,確保新科目的設立是基於公開 且公正的公眾諮詢,而非由上而下的假諮詢;諮詢範圍應 包括是否在2012年9月推行新科目;
(二) 在國民教育科內加入民主、自由、人權等普世價值的元素, 並強化現時的公民教育,以建立國民及公民的身份認同;
(三) 給予教師自由的空間,以理性、客觀及多元的方式授課, 培養學生獨立的批判思維;
(四) 透過新科目,教導學生認識國家、民族、政府及政黨與人 民之間的關係,並得以區別熱愛國家與關懷民族,跟支持 政府、政黨、政權及政治人物的不同之處,從而瞭解愛國 愛民不等於愛黨和支持領導;及
(五) 確保新科目能全面而真實地呈現中國國情;以中國歷史, 特別是中國近代史為教材,包括六四事件、維權運動,以 至政治異見人士,例如劉曉波及艾未未等人被打壓等事件,讓學生瞭解經濟改革開放後,中國因社會政治發展而 面對的問題。

之後余若薇同何秀蘭做咗兩個修訂,修訂內文睇以下文件

立法會就余若薇同何秀蘭修訂案發出嘅文件

跟住,張文光再對何秀蘭嘅修訂,嚟個修訂中嘅修訂

張文光嘅修訂中嘅修訂

好喇,依家對以下三位議員投票取向作出分析

先講黃毓民(人民力量,九龍西)

原議案:棄權
何秀蘭修訂案:棄權
余若薇修訂案:棄權
張文光修訂案:棄權

黃毓民,你有無搞錯,你一向最主張要讀中史,你又無修訂,又投棄權,你想點?你話你依家反對國民教育,我點信你?信條毛?人粉(人民力量粉絲嘅簡稱)仲好意思鬧民主派,你班友有無照鏡?

跟住譚偉豪(資訊科技界)

原議案:反對
何秀蘭修訂案:反對
余若薇修訂案:反對
張文光修訂案:反對

譚生,你仲好意思話依家反國民教育,交代清楚2011年嘅表決先,否則你條友走數我點算,唔通選你做高登每月之星就算。

跟住,就到扮嘢好強嘅謝偉俊(旅遊界,今年選九東)嘅立場

原議案:棄權
何秀蘭修訂案:棄權
余若薇修訂案:棄權
張文光修訂案:棄權

做乜事謝偉俊嘅投票方式,同黃毓民一樣嘅?謝生同人民力量中人啲契嚟契去嘅關係,果然好鬼耐人尋味。

我想問,呢啲友仔,點可以信架,你信埋我果份?


7 thoughts on “小心果啲騙徒候選人

  1. 民X聯C隊!
    陳光誠都唔佢地獨立專業。
    個仔比人收起咗,又有甚麼做不出。
    偽人是也。

  2. 近日見到人力既支持者(或者打手,唔敢肯定)果種唯我獨尊既態度,任何一個 post 只要有一D質疑人力,就會換o黎不斷既漫罵。心底不禁想問一下,到底教主係咪真係一支針,一支放响泛民既針?

    我討厭燒鴿黨,覺得俾佢地出賣左。我支持要反抗要升級,人力既手法表面上係我所支持的抗爭方法。但係,諗深一層,對人力又真係有好多問號出現。

  3. 都係0個句:唔好以為共產黨先精於洗腦,當政黨變到同宗教崇拜無分別,不分是非黑白0既盲徒,重有乜資格講民主?乖乖地接受指揮,做票奴好0勒。

    開口埋口皇上太后真人教主,誠實問自己一句,咁都無問題?

  4. 人民力量其實係模彷納粹的.

    1. 首先, 票債票償, 用既係德國背後一刀傳說既玩法來搞的
    2. 納粹亦唔係只得極右, 納粹原本響長刀之夜之前係好左的
    3. 納粹最中意隊死自己友同埋敵人以求得到唯一話語及權力, 有死響希特拉下既納粹黨員不在少數.
    4. 好幾次既演講場地安排都係抄納粹的, 黑暗的環境, 登光集中, 後面一大堆旗, 就算佢講既係廢都好, 單係演說場地己經令佢爆seed.

    其實不只人力係咁….

  5. 簡單D問.
    當有分組點票時,而功能組別未選已經有16票自動當選(唔保王就假)

    要求撤回洗腦教育科
    拉布有效D定私人草案有效D.

  6. 何俊仁議案,李華明-梁燿忠-鄭家富-馮檢基-梁國雄-陳偉業-並數位建制議員,俱缺席。

    何俊仁議案,根本沒有反對設立國民教育科,只是提出枝節性修改,對梁匪政策小罵大幫忙。

    何俊仁議案陳義甚高,比如:

    (一) 正視教育界及公眾的關注, 確保新科目的設立是基於
    公開且公正的公眾諮詢, 而非由上而下的假諮詢; 諮
    詢範圍應包括是否在2012年9月推行新科目;
    (二) 在國民教育科內加入民主、自由、人權等普世價值的
    元素, 並強化現時的公民教育, 以建立國民及公民的
    身份認同;
    (三) 給予教師自由的空間, 以理性、客觀及多元的方式授
    課, 培養學生獨立的批判思維;
    (四) 透過新科目, 教導學生認識國家、民族、政府及政黨
    與人民之間的關係, 並得以區別熱愛國家與關懷民
    族,跟支持政府、政黨、政權及政治人物的不同之處,
    從而瞭解愛國愛民不等於愛黨和支持領導; 及
    (五) 確保新科目能全面而真實地呈現中國國情; 以中國歷
    史, 特別是中國近代史為教材, 包括六四事件、維權
    運動, 以至政治異見人士, 例如劉曉波及艾未未等人
    被打壓等事件, 讓學生瞭解經濟改革開放後, 中國因
    社會政治發展而面對的問題。

    以上大道理當然不會錯,但梁匪政府會執行嗎?

    若該議員根本反對設立國民教育科,但無反對何先生的大道理,投棄權票並無問題。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.