魯平為BNO平權立法掃除部分障礙

SCMP: Love China or leave, Lu Ping tells Hong Kong’s would-be secessionists

好坦白,呢次小弟要多謝魯平再度發功,仲要喺英文《南華早報》發功。

小弟由BN(HK)A 1997跟進BN(O)平權至今,同國會議員交手經驗都有番咁上下,啲國會議員之所以俾少數族裔或南洋華裔BC,但其他香港BN(O)唔俾,因為少數族裔同南洋華裔BN(O)喺香港嘅居留權,甚至佢地嘅「另一國籍」可以隨時人間蒸發,根本唔穩固,一定要立法找數。但大部分華裔BN(O)嘅中國國籍好穩固,所以無必要找數,除非出現計時炸彈狀況,亦即係中共倒台。

但魯平呢番話,由於魯平嘅地位,再加上佢言論有全國政協委員劉夢熊加持,構成係BN(O)嘅中國國籍一樣可以唔穩陣,至少有可能因政治理由而忽然喪失中國國籍,呢個可能性係存在。《中英聯合聲明》嘅中方備忘錄,以至人大常委會對《中國國籍法》解釋,並非穩固嘅國籍法法源。至少舉過香港旗嘅人,可能隨時無咗中國國籍。

若然係咁嘅話,就可能要循當年推展BN(HK)A 1997或BICA 2009(即BNA 1981 s.4B)嘅思路,進一步為BN(O)平權加設條件,例如由政治理由喪失另一國家國籍,不論自願抑或非自願,都可以登記成為英國公民。而魯平俾SCMP嘅信,喺國會係好有力嘅立法證據。如果呢個路套成立,曾經參與港獨、台獨、藏獨運動,或者反國教嘅BN(O)及其後代,可以有機會得到適當保護。

所以我會轉魯平封信俾我識嘅上下議院議員,而至少可以考慮游說政府,信納舉過香港旗嘅朋友有可能非自願失去中國國籍,而先給予呢啲在政治上異見人士英國國籍。


18 thoughts on “魯平為BNO平權立法掃除部分障礙

  1. As a kid, I used the black passport from British Consulate like other HK-born, now mine was pushed to BNO category since 1989-1990 without my agreement especially when I was too young to ecide and think for that matter.

    I regard myself a HK citizen and never belong to PRC or 中華民國, or even “中國國籍”.

    莫忘 不少 1970s及前 南來者 可有 不少 宋/明/中華民國/等等 遺民 而非 真正 中共殖民。

  2. 那麼如世澤兄所言,可向英國方面爭取,能成功放棄中國籍人士 (自願或非自願,而且沒有其它國籍),都可以登記做BC

  3. 共產黨一真都無科學精神。喜愛法制,但係唔愛體驗實情。前者太方便,後者太麻煩。

    既然(然而)佢地自認最科學,孫中山國父唔通唔科學嗎?國父當年認何東先生做契仔時,有無諗過血統問題,根本孫中山所謂的中國人係無視血統的名詞。講回實例,何東先生唔去以色列尋根問祖,佢跟人自認中國人。奇在於當時澳門人,無血統的概念,現在竟然無中生有?孫中山要我們解決濁水文化,不科學嗎?

    講回濁水文化,凡事無絕對論,令人無法溝通而變得內向。你看求先的句子,乜乜主義係最科學,無比較何來最字呢?講話可以聰明點嗎?

  4. 題外話:有次行經一中小企商廈,瞥見某樓層其中一商戶大門未關,漫不經心瞄了內裏一眼,小間房應是老闆房了,大班椅背後,牆上掛著的是一幅相架裱好的大照片,照片中人是查理斯王子和菲臘親王。我駐足望了一會。

  5. Is there any PRC law that provides for the mechanism for the state to cancel the nationality of a PRC national, like the powers HM possesses to deprive a British citizen of his or her citizenship?

  6. 白頭佬自己玩膠核爆 , 親生女兒一早己經放棄支那 , 取得美國綠卡兼在地生仔囡了 .

    買定花生等睇共匪敗亡之日 , 左耳白頭之流第一時間潛逃何方 ?

  7. ALEX: 當BN(O)平權轉BC的話, 英國就再無辦法逃避責任
    亦解釋到點解英國政府一直唔願意將BN(O)平權, 同埋點解目前形勢之下, 要同時批評英國出賣港人

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.