BNO居歐權問題,到底搞邊科?

爽爆:今生不做中國人

對小弟呢位,因居歐權問題被五毛抽過水嘅人,呢篇報導某程度上係幫咗我平反。2009年我有無講錯嘢,當然係無。

但有啲人可能對成篇報導有疑惑,特別呢段

記者致函歐洲多國移民局及駐港領事館,芬蘭、挪威、瑞典、冰島領事館均回覆指BNO持有人不是歐盟公民,無權居留,然而冰島移民局、德國聯邦移民及難民局並無斟酌BNO是否等同英籍或歐盟,容許持有人居留、找工作及正式申請成為公民。

由2009年至今搞咗咁耐,點解仲出現領事館答案同移民局唔同。我依家可以答你原因:尊重英國主權。

歐洲國家外交部,無論如何都要尊重英國喺1981年份declaration裡面嘅宣稱,因為呢個係英國主權範疇,如果各國使館代英國答BNO可以係歐盟公民,係會引發嚴重外交風波。

但移民局就係純粹自己領土範圍實施歐盟公民自由行動權利,由於對呢啲內政為主部門,佢地驚被人告上法院然後用ECHR搵麻煩,多過要尊重英國嘅主權,事實上,各國點安排歐盟公民自由行動權利,係個別成員國內政,唔關英國事,所以冰島同德國,就繼續佢地沿用嘅BN(O)政策。當然德國各州唔同。

點解ECHR咁得人驚,我諗以下英國最新案例,會解釋到點解歐洲各國政府對BN(O)嘅放水態度

Daily Mail:Criminals can stay in UK to avoid ‘shame:’ Malaysian criminal avoids deportation after claiming it breaches her human rights

講真,呢件南洋嚟嘅黃小姐,係唔應該留喺英國,佢唔係British、有犯罪紀錄,而且唔係純粹逾期居留,呢條友賣假貨、洗黑錢全部做齊,我係保守黨嘅MP,一樣會慶過火屎。即係你想像吓,呢類案例應用喺香港,最後一定係災難。

但連英國依家最高級嘅入境法院,都一樣應用歐洲嘅法律,搞到連一件問題多多嘅逾期居留人士都可以留喺英國,英國面對BNO找數壓力都越來越大(你諗吓社運人士全部用呢個案例留喺英國,英國已經食得屎,即係法院判中英聯合聲明失敗,呢單案例有個對香港好膠嘅後果,就係鼓勵香港人因政治理由搏拉,屆時我唔知香港有無咁多監獄處理,以後示威可能唔會有人踢保咁簡單,而係等你判,然後過英國),歐洲其他國家政府更加唔會因你英國唔找數同你搏。 甚至我可以講,英國嘅入境法律師會喺呢單案後更加去研究歐洲案例同法律,提高自己勝算,越嚟越多類似案例果陣,一係英國退出歐盟,一係英國自已找數。特別成個EU加入ECHR係遲早問題,屆時英國唔簽果堆ECHR Protocol都可能可以應用喺英國,屆時仲頭痕。

蘋果篇報導裡面提嘅法國例子,相信有唔少人有興趣。由報導嘅例子,到我手頭上處理唔少例子,或容我咁講,如果你法文好好,法國各地政府好樂意容納一個BN(O)喺當地,連政府工都入得就證明果個人法文係有番咁上下,你法文唔掂,就唔好諗法國,加入法國外籍兵團另計(基本上你唔係BNO,你攞住特區護照都可以到法國加入外籍兵團,但加入外籍兵團係絕對搵命搏,同埋嚴格嚟講,你唔應該視為移民途徑,應該視為一種武人嘅鍛鍊)。

申請台籍?除非你支持台灣獨立,以馬英九嘅無能,我唔認為台灣撐到幾耐,你睇馬英九點縱容叫蔡衍明嘅仆街冚家鏟你就知。


17 thoughts on “BNO居歐權問題,到底搞邊科?

  1. 領事館以「BN(O)係外來公民」出發,當然會答唔可以有居留。但去到當地移民局,個人拿著BN(O)入境,就係該國內政。

  2. 世澤兄,講起tw蔡衍明條仆街,
    我最唔明係蘋果報肥佬黎點解重想賣盤比佢???
    想聽下你分析下究竟有乜古怪野.

    台灣蘋果報淪陷….真係唔知會點
    感覺係個啟示,香港蘋果報唔知會點

  3. 我要為馬說句公道話,他沒那麼蠢,只是被媒體誇大了。
    另外,比起蔡,肥佬黎才是台灣人(特別是蘋果員工)痛恨的對象。
    你們的觀點不同,當然幫肥佬黎講話。
    其實他是賺飽喝足拍拍屁股逃走的油滑商人,把台灣媒體風氣搞的大壞,那個仆街仔沒資格與”言論自由”畫上等號。

  4. Martin, your comments on BNO are no need to 平反, as you are saying the fact. But those naive people never understood how EU works. Anyway keep your good work going! Thanks!

  5. 但係而家連唔應該留低既人(大馬黃小姐)都可以留低,只怕英國民眾會更加唔妥歐盟,如果一公投退出歐盟怕且實通過

  6. To黃兄,蔡衍明也不是好東西,我並沒幫他講話。但是與他相比黎也不算個東西,感謝各位理解

  7. 建議勿使用天龍國一語,台灣人痛恨中國者多,投降派已經滾了大半。
    誰想跟那種國家”統一”

  8. To:台灣朋友

    說實話做生意的都是向錢低頭,在大是大非問題上,全都不是好東西.
    但就我個人觀察,感覺,
    若說討厭反感程度,蔡比黎,過之而無不及….

    蔡根本是老早就向錢看而加入統一/投降派了吧.
    光這點就比肥佬黎更…..不是嗎?

    =====================

    台灣人痛恨中國者多,但是面對中國中共銀彈+自由行攻勢….
    生意人和得到好處既得利益的,如何能堅守立場和原則,真是令人懷疑.

  9. 睇完姚明個女入籍美國單新聞我覺得好好笑。做緊中國人既佢因為做過可能知唔好,所以唔想佢個女做。有些香港人呢就可能以前未做過,所以宜家爭住做中國人。一句到尾,我地呢代要做中國人既冇問題,但都要有d藝術吧!

  10. Hi brothers,
    I think that it is not only German immigration put BNO under UK but also many European unions, like Netherlands, Iceland, Switzerland, treat BNO under UK.

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.