你想唔獨立都唔得

當《蘋果日報》記者直搗煙台嘅坑渠油大本營果陣,香港人應該心知肚明一個事實,中國已經唔係香港安全而可靠嘅糧食來源。香港獨立,可能係唯一保障香港人健康安全嘅方法。

如果香港有獨立自主嘅農業同糧食政策,政府就會果斷禁止中國糧油入境,或檢查大大強化,要檢得清楚好多至俾放行,咁由香港自主煉油或香港自己種嘅菜補足。但依家香港係中國殖民地,你唔想食呢啲嘢,中國都迫你食,個石敬瑭政府,由上水水貨客到中國坑渠油都唔做得,咁點搞?特別呢次坑渠油事件,涉及北大荒集團呢啲巨型國有企業。

以往香港人怕香港獨立會餓死自己,依家可能係為免毒死自己,唔尋求獨立都唔得。相信大家都唔想日日飲同食啲有毒嘢,仲要乜都唔知。咁慢性自殺,唔係辦法。

喺香港未獨立前,我諗大家出去公幹、旅行果陣,如果係去日本、台灣呢啲國家,喺當地買枝當地製造嘅油返香港用自救,仲有,記得元旦出嚟遊行,要梁振英呢班賣港賊仆街。油都無啖好食,講乜嘢民生無小事,叫梁振英做少啲戲喇,仆街。


8 thoughts on “你想唔獨立都唔得

  1. 外國買都唔一定安全,小弟既例子:紐西蘭近期多左好多奶粉註冊既公司,其實又係D蝗蟲攪既好事,用外國註冊扮外國牌子,跟住有運返大陸,亦都一部份留當地既華人 super market 賣,唔知頭唔知路,分分鐘瀨野都唔知。就o黎攪到全世界既人買野時,都要上網睇清楚間公司背景係乜人先可以買。中共同蝗蟲真係人類既一個毒瘤。

  2. Kenneth,

    英國有個TV channel 叫 PickTV, 成日播紐西蘭同澳洲海關點勤力執法去保護自己國家利益同borders. 點知依家係自己內部出事先…..咁玩法紐西蘭dairy商譽隨時一鋪清袋.

  3. 對好多人嚟講, 尤其是飽讀中學中史而沉醉於統一才合正道嘅人, 會認為港獨係大逆不道嘅事;對牛頭角順嫂街市賣魚佬嚟講, 港獨係不可能嘅事
    但依家連基本生存都受到威脅, 仲攬住個「民主統一大中華」嘅夢托漆呀?! 諗返4,50年前, 香港咪又係自己搞得掂自己, 有靠過英國佬接濟咩?! 1959年柏立基宣佈香港財政獨立啦!!!

  4. 首先, 狼的民生無小事抄襲新同盟, 問題來了:
    新同盟求其一個中大型票站都拿多過689票,
    還有一個本土一個賣港, 政府D民生政策又空中樓閣不到位,
    狼簡直侮辱了投Gary的我們

  5. 香港應該盡快加入美國重返亞太陣營!聯合美國,日本,韓國,台灣,菲律賓,越南,馬來西亞,新加坡,汶萊,泰國,緬甸,印度,澳洲,紐西蘭,蒙古等國家.共同圍堵中國!香港才會真正安全.必要時引入台灣,菲律賓,越南及美國在港的勢力保護香港!

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.