屋宇署中人擺明車馬包庇梁振英

屋宇署人員上周五入唔到梁振英赤柱大宅一事,梁振英固然有心虛之嫌,經小弟研究《2012年建築物(修訂)條例》後,更加相信屋宇署根本係包庇隻狼。如果呢個禮拜,屋宇署仲未能喺傳媒見證下入梁宅搜查,叫梁振英嘅老同學區載佳早抖。

喺《2012年建築物法例(修訂)條例》刊憲前,屋宇署人員未經業主批准係唔可以破門查僭建,但喺新例刊憲後,條文係咁。

《2012年建築物法例(修訂)條例》2012年7月20日刊憲文本,刊憲當日生效

“(1A) 建築事務監督或獲授權人員須 ——
(a) 已獲處所或土地的擁有人或佔用人准許進入,或已獲看來是控制或管理處所或土地的人准許進入;或 (b) 已根據第 (1B) 款獲得手令,
否則不得根據第 (1) 款進入該處所或土地,或破門進入 該處所,但如情況緊急,則不在此限。
(1B) 裁判官如根據經宣誓而作的告發,信納 ——
(a) 有合理理由懷疑 ——
(i) 已經或正在對任何處所或土地進行的建築工程 符合以下情況 ——
(A) 該工程嚴重偏離建築事務監督根據本條例 批准的圖則,或嚴重偏離根據簡化規定須 呈交予建築事務監督的圖則,或該工程與 該圖則嚴重相歧;或
(B) 該工程不符合由規例訂立的結構穩定性、公眾衞生或消防安全標準;
(ii) 該處所的用途已更改,而該項更改屬違反第 25(1) 或 (2) 條;

即係屋宇署人員肯搵裁判官宣誓攞手令,話知你梁振英俾唔俾。所以依家有明顯證據,屋宇署內有人放水。唔該屋宇署人員火速攞手令查梁振英赤柱,唔好阻頭阻勢詐詐諦諦。


One thought on “屋宇署中人擺明車馬包庇梁振英

  1. BD班友仔擺明包庇梁振英. 如果其他人係自己間屋加減小小野(e.g.拆防煙門), 俾BD知道的話都有排煩.

    依家靠BD去執法巳經無可能,一定要諗下另一方法.

    另一問題, 我唔熟HK Buildings Ordinance. 唔知Building Ord有無授權一個小市民, AP/RSE可以去做野?

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.