你唔愛香港,就應該輸到甩褲

榜鵝東補選終於結束,PAP輸到甩褲,幾乎中間選民嘅票輸晒俾工人黨,戰果異常核突。如果無林睦荃同拉惹勒南兩條友喺度示弱,工人黨贏得仲多。

工人黨喺阿裕尼-後港市鎮理事會管理獲肯定,李麗蓮上次都有出戰大選熟悉地區議題,都係令選區易手原因(榜鵝東正喺阿裕尼集選區以北),但人民行動黨自去年總統大選陳清木醫生幾乎玩轉全新加坡以嚟,有個問題未有回應人民,就係啲PRC National搞亂當地民生應該點處理。大家公認李光耀愛新加坡,但如果PAP中人唔夠愛新加坡,唔該早抖。

對香港泛民啟示係,如果你堅持打正旗號愛香港,例如北區走私客、奶粉被搶、中國人喺香港胡作非為等問題,打香港人優先牌,你資源少都能崛起,毛孟靜同范國威係表表者。仲諗住搞大中華救國主義?你睇PAP都死,你泛民算係乜?

民賤聯咪咁開心住,喺北區你地欠落J數厚過電話簿,遲早被一鑊大清算。


7 thoughts on “你唔愛香港,就應該輸到甩褲

  1. 先不要說”愛香港”
    單是”香港優先”,已經遭到四面夾擊:
    前有土共,後有泛民,左有左膠,右有右撚

    土共一幫推展”大中共愛黨主義”,要求”香港優先”就是”港獨分裂,民族罪人賣國賊”.
    泛民主流心繫”大中華救國主義”,要求”香港優先”就是”背棄同胞,自私自利花生友”.
    基層左膠擁抱”包容受害者主義”,要求”香港優先”就是”鼓吹歧視,向弱抽刃法西斯”.
    中產右撚熱愛”市場原教旨主義”,要求”香港優先”就是”保護主義,計劃經濟共產黨”.

    “香港優先”難以引起香港人共鳴,正是以上原因,究竟應如何解決?

  2. 更吊詭的是,
    無論是鍾樹根或何俊仁,曾志豪或孫柏文
    無一不會說自己”愛香港”
    那,普羅大眾又怎會有方向?

  3. 普羅大眾係有方向,只不過係主流傳媒仍然當睇你唔到。

    你睇SPH旗下傳媒,都唔會估到今次PAP輸成咁

    (我事前反而早同人講,隨時輸到當底褲收場,新加坡嘅coffee shop議政係準確掌握民情工具)

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.