經濟泡沬連環爆

《蘋果日報》頭條係國美香港六店全線關閉,當咁多中國人嚟香港買電器都打唔掂,證明香港泡沫經濟唔掂。

我可以講,國美只係第一步,跟住香港零售業同樓市將會一片恐怖淡風。

成報:港豪宅面臨大拋售

【記者羅森堡報道】據內地媒體報道,受到中紀委反貪腐行動影響,由去年11月中旬以來內地45座大中城市出現一股豪宅和別墅拋風。報道說,上述拋售即將蔓延至香港,香港豪宅面臨一輪拋風。

報道說,不久前,中紀委向中央通報「反腐敗鬥爭工作的新動向」。並稱去年11月中旬以來,大陸45個大中城市出現一股拋售豪華住宅、別墅等新動向,12月以來,拋售豪華住宅、別墅等情況繼續擴大,更改物業業主情況數以百倍上升,狀況空前,且部分業主為國家公職人員和國有企業高層。

點解梁振英咁急修改《公司條例》,除咗方便佢用有限公司之名亂開金融發展局之類嘅部門,更要保住呢啲中國官員持有嘅財產。由於《成報》嘅中資背景,隨時香港會出現豪宅暴跌浪潮,IMF出口術唔會令樓市暴跌,但中紀委就有呢個能力。

靠中國會發達?靠中國會破產就有你份。


5 thoughts on “經濟泡沬連環爆

  1. 既然強国上市公司主席每成貪腐犯階下囚,咁乜鬼「屍伊噢」都索性搵埋小偷大賊黎做,最符知国醜情況嘛。

    香港大概好快成為亞太區個街「洗黑錢天堂」,都不失商機嘛。

  2. 好實際既問題,國美係陳曉+Bain Capital做老細既時候,亦係佢最似樣既時候。王光裕踢走佢之後,已經做緊業務重組…果陣已經摺左好多分店,規模可能仲細過 CMK。

    (講又講,個 case有少少似 dbc-王光裕唔想 Bain Capital係度,所以就整色整水,要 Bain同陳曉執包袱…背後又係用民族大義來韃人)

    佢走,係遲早既事。

    跟住咪到王光裕借國美賺$$(又係)搞既房地產爆煲囉。

  3. 講下歪論先。以前老師教授係信中共。

    我地係要自由經濟,自由社會,任何野都係取決於自然……
    愛國係任何人都要,唔可以用經濟衡量……云云
    得出結論︰民主過去了,現在要政制、經濟改革,黨係改革的動力云云

    什麼是美呢?
    佢地堂堂一個教授,無聽過反動派的理論。就算聽過後,都說成黨理解一齊。
    雖然自由經濟,民主政制會否被儒家思想用來害人,值得相確。
    但將醜惡說成美麗,絕對係危險,使人無觀察力。

    唔怪得哲學家話︰手淫可以使人失聰,就是這個道理了。甚至一時快意,連觀察力都收起來,導致今天,個個都是盲人。

  4. Martin,

    講真, 當全世界都China 前China 後; 高級商業人仕Banker到掃地啊Sim 都話明日在中國. 點解Martin 你不繼警告香港人呢? 我有D疑惑… 

  5. 1. 光頭黃條友,以前未入柵嗰陣,據聞某次接受傳媒專訪,一下唔留神,畀記者見到佢個電腦 mon 係賭緊外圍定唔知乜…夾硬搶返間公司自己人擔旗,有運行就真係有鬼。

    2. 金融發展局…今朝先同人講笑,真實名稱可能係「中國共產黨特種機密財政管理局第一分局(港澳)」。嘿。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.