佔領中環迅速發酵

香港獨立媒體:何俊仁答應辭職引發公投 配合佔中運動 【佔領中環系列:戴耀廷、何俊仁專訪】

何俊仁答應辭職用作啟動全港公投(除咗我呢啲傳統功能組別選民,就無權參與),而且據聞已經做緊具體嘢去做預備工作,可以隨時發動公投。似乎民主黨喺參與佔領中環上係有實質預備,唔係好似某啲扮激政界人士,齋吹攻擊人地騎劫無行動,講過嘅嘢又唔認數。

民主黨之所以咁急,因為立憲派無法喺香港政制有實質建樹,結果可能獨派掃平政壇。

奶粉之亂,大中華派,無論親共反共都非常一致,但輿論仍然係支持引用現行方案,亦即小弟喺《蘋果日報》文章,寫埋林忌所提嘅B方案。喺普選問題上再無寸進,依家香港政壇絕大部分檯面人物都會喺新時代玩完。所以連最後一天交稅呢招都出,其實可以去到係黎則奮、韓連山提出嘅少交十蚊稅運動。

北京一係公投政改,否則準備1965年8月9日翻版。


2 thoughts on “佔領中環迅速發酵

  1. 本人對此並不樂觀。

    民主黨和人民力量其實是大便味咖喱與咖喱味大便之別。

    政黨參與其中其實又會變為和學民思潮圍政總的集會,訴求太低又會討價還價,消耗群眾力量,給甜頭後最終輸間廠。

    我未見過組織集會要這樣「討價還價」!那種討價還價還是處處為這個不堪的政府造下台階(我要民主選舉(仲未係真普選喎),A方案唔得呢,B啦,再唔得呀﹐C啦)。戴耀廷和何俊仁我覺得是這一類,起碼他們不會開始想傾不掂數就有決心癱瘓立法會,解散立法會,搞香港獨立,689下台等。他們不會做初一十五過激對立的行動。到最後咪又是向西環叩頭搞掂。(我睇死他們,因為香港就這樣被瞞騙了超過二十年,由八九年開始!)

    民主黨最怕亂,最怕犧牲。何俊仁敢辭職啫,大把人未必會同佢一齊搏(尤其是那個妻妾四方西主席!)講真佢地真係唔敢揾命搏,因為以他們對群眾下的空頭承諾,佢地真係會「一鋪清」!

    不是群眾自發的佔領一定不會成功,因為做政客的個個倒是帶把尺在身,諗過度過!

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.