依家佔領中環?

IMG_1811

香港獨立媒體照片

喺戴耀庭等人啟動佔領中環後,香港貨櫃碼頭怪獸架嘅操作員同薪酬待遇問題,發動罷工,並且引嚟大批市民支持。

有樣嘢大家要留意,雖然係貨運旺季,但貨主呢次無走出嚟反對罷工。HIT搵外判嚟卸責,唔單只係工人受害,貨主都受害,因為有事HIT唔會孭飛。而工人咁長時間工作,推冧貨櫃事件無通報,導致貨物損壞,經常搞到貨主、保險公司等等拗到傻,而最終應該負責嘅HIT當然唔知去邊。所以貨主普遍係食花生,或者無所謂。反正船運,delay幾日都唔係乜嘢大不了嘅事。

言歸正傳,依家HIT肯定係立場強硬,大家都知香港商界嘅做生意原則係乜。但繼續佔領葵涌未必迫到HIT現身,甚至HIT乘機會搵中國嚟工人頂住,大家都知依家香港係乜政府。

反正長假,可以考慮開闢中環戰場。特別下周long holiday mood濃,玩大少少,俾office中人藉口吞噗都可以係德政,當還番李氏力場啟動流失嘅颱風假期。


2 thoughts on “依家佔領中環?

  1. 在倫敦的足球會的店做賣球衣精品他他條條都七十蚊一粒鐘;有時見飲食業的老細在電視嘅嘆時薪50都請唔到人喎,講到好似好出奇,查實個時薪根本反映唔到這職業的難哽情度,還不包括隨工作附送的工傷。後欄、地跣、超重、未計夏天天時暑熱,土共勞改咩大佬?這次,有個阿哥眼紅紅講真話,感受到碼頭工人忍夠了,唔爆唔得。老細唔該俾錢。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.