Edward Snowden 俄國唔會要

edward snowden

Edward Snowden 中文傳媒譯作斯諾登,離開咗香港後去咗莫斯科,好多人會以為呢條友會投奔俄國。

Edward Snowden 對俄國無益

但俄國總統普京(Putin)始終係KGB對西方諜報工作出身(佢以前係駐東德),佢叫Edward snowden可以留喺過境區,但唔可以繼續洩密,其實已經話俾大家聽,俄國唔會要呢條友。

俄國FSB,同北京唔同嘅係,就係冷戰以至俄國「威權化」嘅過程裡,係有同美國建立一種「交戰規則」(Rule of Engagement),好似 Edward Snowden 咁嘅友仔可以咁隨便爆人大鑊,收呢種人不單有違俄美之間嘅交戰默契,而且呢啲友仔做嘢無底線(以情報工作角度嚟睇 ),隨時連俄國日後都被人起尾注,而 Edward snowden 主張嘅嘢,亦明顯有違普京大帝所相信嘅獨裁價值,我個人相信FSB做起類似稜鏡行動嘅事,會做得比美國人狠好多。

所以 Edward Snowden 對俄國嚟講,猶如瘟神,早走早著。

5 thoughts on “Edward Snowden 俄國唔會要

  1. 食得鹹魚就要抵得渴,食自由碗面;反自由碗底之天真左膠,以為美帝會殺人滅口畀佢做烈士?未免傻的嗎。

    同阿桑奇之流一齊繼續鍵盤打飛機,獻世餘生吧!

    兩種極端:甚麼都是國家機密,以至甚麼都是肆意泄漏的機密,對世人一樣係災難。

  2. 越南共和國就是被這類人壓垮(他們為了達到目的,連揮舞極權北越的共產旗也肯做),其影響是過百萬難民,過百萬死者。

    況且任何國家都不容這些人,萬一第日一時興起反厄國冰島等檯,如此小國是無縛雞之力。測試此等人對言論自由的理想是否一視同仁,可送去北韓歸化,看看他會否揭露肥仔嘅秘密。

  3. 「況且任何國家都不容這些人,萬一第日一時興起反厄國冰島等檯,如此小國是無縛雞之力。」

    冰島等北約成員國應不會收留他吧!

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.