政改北京玩移動龍門

政改睇嚟越嚟越無可避免,所以梁粉都放話要搞政改。但正所謂魔鬼在細節,小心北京又玩搬龍門。

政改 林煥光

政改、單議席單票制與蛇齋餅粽

當年北京為咗扶植民賤聯,引入黑爾基數最大餘額法嘅比例代表制,呢個不知所謂制度除咗扶植咗民賤聯,仲有反作用力,就係長毛成為議員,之後越嚟越多玩到北京頭昏腦脹嘅激進派議員進入議會。

依家林煥光話比例代表制唔好,因為北京喺區議會選舉充分掌握賄選、種票呢啲仆街技藝,可以利用單議席單票制徹底KO泛民,甚至商界自由黨等陣營。特別選區越細,就越易種票,如果每五萬人一個選區,對控制咗大量業主立案法團嘅北京嚟講,種票濕濕碎。

我個人係西敏寺制支持者,如果香港獨咗立,驅逐咗民賤聯呢班賣港賊返中國,咁應該考慮喺House of Commons行單議席單票制,喺House of Lords上,按得票比例委任「貴族」作制衡,咁我覺得合理。但如果依家香港仲係中國殖民地,咁多賣港賊喺度,咁我寧願保留比例代表制一段時間先。

移動龍門

但最核突係北京嘅態度,依家乜制度對北京有利,就改用果個制度,無視個制度嘅長期運行效果,呢種輸打贏要態度下,我唔信北京有乜誠意搞政改。要香港民主,唯有獨立。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.