陳茂波案兩個重要發展

陳茂波案真係食花生都食到燥底,因為成個案情已經可以用黐線嚟形容。但今日有兩個其實好重要嘅案情發展,大家係遺漏咗,一個已經證實小弟推敲係正確,一個係反映北京權鬥已經去到瘋狂境界。

陳家駒與梁振英
陳家駒與梁振英

陳茂波、陳家駒、梁振英大茶飯集團?

62歲的陳家駒是梁振英好友及競選辦成員,梁任城大校董會主席時,推薦陳任城大校董,後揭發梁將城大工程批予陳任非執董的新昌營造集團。立法會議員涂謹申指,一般人靠海外公司已可隱瞞股東身份,但OE當時代CS持有景捷股份,明顯雙重保護,質疑有不可告人秘密。

好似古洞收地呢啲大茶飯堅料,如果無測量界內幕消息一定唔敢玩,由梁振英狂攬陳茂波嚟睇,幾日前嘅blog都講過,好明顯梁振英同陳茂波係互為表裡。依家陳家駒係CS股東,更反映呢個集團根本係存在,只不過未知當中關係可以複雜成點。

呢個亦解釋點解陳茂波要死撐,因為佢唔死撐,死就唔只佢一個,係成村人,包括689。

學習粉絲團

對中國政情有啲理解嘅人,都知學習粉絲團應該係習近平身邊嘅人,至少係一批太子黨嚟。

依家學習粉絲團透過微博撐泛民對付陳茂波,證明太子黨班友已經無辦法支持689呢班硬膠。只不過,中國政治實權似乎唔喺習近平手上,除咗相關微博被河蟹,更大鑊係,似乎搵學習粉絲團出聲,係因為連習近平都無辦法喺政治局攞到共識郁陳茂波,一郁陳茂波可能涉及中國政府實施陽光法案嘅權鬥問題,牽一髮動全身。

呢場亂戰,花生無限,有排睇。

One thought on “陳茂波案兩個重要發展

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.