Edward Snowden 亂爆料有乜問題?

edward snowden

Edward Snowden亂爆料一事沒完沒了。雖然通訊秘密係人權嚟,但NSA、GCHQ呢啲本來做軍用通訊code breaking嘅部門,點解會做埋民間通訊code breaking嘅工作,如果唔了解互聯網 通訊加密史,係唔會明發生緊乜事。

由128 bits加密講起

我喺Bloomberg Businessweek中文版第一期嘅文章,用咗唔少篇幅去分析加密史,點解咁。

其實美國軍方一直對民間廣泛採用強加密技術非常顧忌,大家仲記得最早期嘅Netscape、IE係有分美國版同海外版,海外版係用弱一啲嘅加密。早期PC Tools等軟件,一用到強加密,又係分美國版和海外版,用錯美國版隨時干犯未經批准輸入戰略物品罪,因為強加密要爆唔係咁容易。

後嚟將強加密普及化,甚至用嚟加密軍事文件嘅AES最高級別加密都一樣用喺民間,除咗要保障私隱,更要防止信用咭犯罪,兩害取其輕,所以就普及加密。

Edward Snowden唔明白普及加密嘅代價

但普及加密唔係無代價,結果就係恐怖分子都可以享用軍用級別嘅加密技術,呢個當然牙煙到爆。而恐怖分子喺度玩超限戰,結果就係連NSA、GCHQ呢啲組織都要搜羅民用通訊嘅資料,係灰爆嘅一件事。

Edward Snowden可以質疑NSA或GCHQ要keep幾多數據,或爆開幾多可疑數據,但如果要NSA或GCHQ乜都唔做,根本係危害民主制度。某程度上,要防止宗教極端人士破壞民主,根本係無計。

所以呢次GCHQ或NSA做嘢,都喺左翼執政嘅情況下做,唔係純粹因小布殊呢個德州牛仔。除非班回教極端分子肯覺悟,但呢件事實在太難。

3 thoughts on “Edward Snowden 亂爆料有乜問題?

  1. 頭先坐巴士見報導話俄女間諜向阿Ed求婚,真是幾乎笑出聲,俄羅斯又向美帝施以話事啤式的抽水功。

  2. 「唔係純粹因小布殊呢個德州牛仔。」
    好像商業電台以前一名姓王節目主持的口吻。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.