反骨施君龍

近日,香港嘅是非黑白好似倒轉晒咁,好多冤案到依家都沉冤未雪,但凶手就逍遙法外,甚至更上一層樓。好似殺死商台敢言名嘴林彬嘅凶手一直都未捉到,但發動六七暴動嘅暴徒楊光就攞到大紫荊勳章。殺死入境主任梁錦光嘅暴徒施君龍唔單只已經放番出嚟,仲要得到單程證嚟香港定居,簡直去到黑白不分嘅地步。

照常理,廣東省公安廳係唔會批單程證俾施君龍,因為施君龍曾經喺香港逾期居留,而喺佢香港逾期居留期間仲要殺過人,喺世界大部分地區,都唔會俾呢種人入境或者出境。只不過,依家施君龍竟然貴為中聯辦紅人,大家睇番施君龍喺過往嘅報章,呢條友隨時係靠出賣民主派或其他爭取居港權人士情報俾中共上位,才令佢得以落嚟香港。

大家睇番施君龍被捕呢段期間嘅報紙,施君龍經常獲天主教香港教區主教陳日君探望,後來亦受洗成為天主教徒。以羅馬教廷同中共關係之差,施君龍正常 唔會成為中聯辦紅人,更加唔好講落嚟香港。但好可能施君龍喺呢段期間攞到唔少關於教區、泛民甚至爭取居港權行動嘅情報,因為佢立咗大功,中共一般都會對呢類反骨仔給予豐厚報酬。施君龍依家著到身光頸靚,佢得到嘅報酬當然唔只係一張單程證,隨時仲有各類物質上報酬。

呢次廣東省公安廳批施君龍嚟香港,唔單只顛倒黑白,而且更令人擔心中共為咗自己嘅政治需要,每日放咗幾多罪犯同反骨仔嚟香港,香港真係唔變臭港就 奇。所以香港人千祈唔好對施君龍嚟香港當睇佢唔到,香港一定要收番中國移民嚟香港嘅審批權,同埋修改《基本法》廿四條,徹底解決完全邏輯上講唔通居港權規定。

2 thoughts on “反骨施君龍

  1. 理性一些來說,馬尼拉慘劇加上現在施君龍縱火,都有香港人犧牲,兩件事都有一個共通點:中國政府對香港的態度。現在加埋林慧思事件。大陸人對香港人既對立愈來愈激烈。傳媒唔利用前事來分析來喚醒香港人,他日必會有更激烈的鬥爭……

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.