擴大平權係有可能

1532140_560997740642445_1693773562_n

由香港人的國籍法facebook專頁取得的解密文件

一直以嚟,好多1997年後出生嘅BDTC/CUKC後代都有條氣唔順,就係點解佢地唔可以憑世系取得英國國籍,硬食佢地根本無得揀嘅中國國籍。呢份英國提早解密嘅文件,令爭取呢批人平權得到曙光。

至少戴卓爾夫人政府咁仆街都好(雖然解密文件顯示,佢無我想像中咁hihi,我諗我會睇番晒解密文件再評戴卓爾夫人功過),當年英政府都明確打算俾BDTC(HK)/BN(O)傳下一代,咁依家有樣嘢好清晰,如果父母係香港BDTC/CUKC,或1997年7月1日前佢地未成年嘅話,如果佢地claim番英籍,英國政府係無理由反對,因為本來就打算咁做,只不過又係中國呢個惡霸阻頭阻勢。呢個平權運動,係有得做,亦有勝算。

未來嘅解密文件,有可能觸動BN(O)平權嘅核心(我依家反而預計,真正反對平權係中國,唔係英國),而如果英國政府夠薑向中國說不,係可以對香港英籍人士進行大規模平權。至少依家解密文件顯示,無論香港嘅民主,定香港新一代嘅英籍,都係中國剝奪,責任唔係英國硬食。

後話:我依家諗起愛爾蘭共和國首任總理Éamon de Valera對愛爾蘭自由邦(Irish Free State)首任行政會議主席William T. Cosgrave嘅評語。Éamon de Valera一直反對接受英愛條約,直至佢本人當選愛爾蘭自由邦行政會議主席,睇番晒啲文件,佢咁評William T. Cosgrave嘅功績:. . . when we got in and saw the files. . . they did a magnificent job, Viv. They did a magnificent job. William T. Cosgrave對建立今日嘅英聯邦體制貢獻極大,今日好多自治領嘅體制,都係抄Irish Free State。

5 thoughts on “擴大平權係有可能

  1. 我一直都唔明點解英國要取消有關 BDTC(HK) 的國籍法。領土割讓應該同所在地居民的國籍無關,應該可以參考英國自己另一塊屬地 British Indian Ocean Territory 咁,雖然領土上的人民已經被移走,不能返回島上居住,成個島變左美軍基地,但原居民的 BDTC(Indian Ocean Territory) 身份唔會取消,有關國籍法仍然適用,其子女亦可憑世襲關係取得有關身份。

    同理,BDTC(HK) 如果仍然存在/被恢復,國籍身份可以憑世系繼承,咁唔單止英國可以重新在亞太地區有大量英籍人士可以伸張影響力,亦變相可減低 BN(O) 平權運動對英國本土的壓力。因為不同於國籍,公民身份並非必然,但要是國籍可被繼承,咁有意願去英國本土居留的人就可繼續按現行制度申請公民身份,呢世冇能力的亦可以俾機會後代繼續試,反而冇依家因為呢一代人死後因為冇英籍而 desperate 咁平權,英國要拒絕因平權而至的經濟社會壓力亦變得更有理據:願意為英國本土付出的人才配有公民權,但英籍人士隨時也可以嘗試申請。As a result,至少我地冇乜聽過 BDTC(Indian Ocean Territory) 的人有組織的平權運動。(當然因為 Indian Ocean Territory 人少,二來根據 British Nationality Act 2002,法例生效前已有 BDTC 身份的人已經可以申請做英國公民,2002 後改為 BOTC(Indian Ocean Territory) 的人最多都係得幾十個…)

    好多時大家平權係為左後世可以繼承英籍的身份,唔諗住會移民英國本土的對公民身份需求其實唔係太大,但 BN(O) 係同時冇公民權同後代繼承的權利,所以將兩方面的平權壓力集中喺一齊,英國政府自己搵野黎煩。

    後記:當然有一點好 tricky,就係 BDTC(HK) 從來冇正式被取消,只係已經冇左任何換領護照的服務,同埋冇左世系繼承權。因此,理論上英國方面隨時可以恢復 BDTC(HK) for active use。

  2. 應該咁講,1985年的國籍法令係宣布1997年6月30日後 BDTC(HK) 有關的法令被廢除。但法律的原則係根據事發時適用的法令,特別係英國法律喺冇特別註明嘅情況卜冇追溯力。假設你喺主權移交前出世,按當時的國籍法已經獲得英國國籍,閣下嘅國籍唔會因為相關法律的廢止而消失,因為你已經擁有了那國籍;舉例說,我今日喺屋企睇BBC,聽日政府收例話睇BBC犯法,都唔可以因而追究我今日睇BBC呢個舉動;又或者我今日成功憑逆權侵佔,經法院宣判話某官地變左我嘅財產,聽日政府修例廢除有關逆權侵佔嘅法律,但嗰幅地已經係我嘅,冇得話追討。

    所以,法律上,廢止有關香港的國籍法,只係將該國籍有關的東西/服務廢除,例如可以 entitle 申領護照,有關國籍傳承條件等,但香港人已經擁有這個國籍係冇被挑戰的。記住,護照只係擁有相關國籍的 evidence,而唔係因為有護照,所以你有相關國籍。你可以因為冇需要而唔申請護照,但唔代表你冇相關國籍。喺外國,好多人唔去旅行根本就唔會浪費金錢去申請護照,但佢地唔等於無國籍。

    因此,你可以見到英國領事館可以幫主權移交前出生的香港人辦理補發出世紙,結婚證明等,而佢地亦一定會保留有關原 BDTC(HK) 的資料。只要佢地想恢復呢個國籍,隨時都做得到。

  3. 即係even 30/6/1997或之前出生的香港人佢地從無申請過BDTC護照,佢地都應該擁有BDTC國籍?

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.