主場、立場、定豬場,我都唔會睇

Screen Shot 2014-12-23 at 2.48.32 pm

《主場新聞》翻生《立場新聞》即將出爐,由於我己經全職做生意,我可以暢所欲言,講我個人睇法。我唔寫唔睇《主場新聞》,而無論蔡東豪點整色整水都好,我都唔會睇同寫《立場新聞》,原因有兩個:

1. 《主場新聞》神秘執笠事件,蔡東豪始終未有交代當中原因。喺企業管治上,我點信佢,特別要捐錢俾佢。蔡東豪恐懼啲乜,誤判啲乜,係要交代清楚。

2. 《主場新聞》唔俾作者稿費嘅作風,係唔尊重作者。我向任何傳媒機構供稿都係要收稿費,唔收稿費只有網上版嘅做法我係講明拒絕。我要唔收錢寫嘢,點解我唔喺自己個blog寫?廣告費係無乜(多謝果啲喺Google Adsense老屈我嘅五毛,我一定報復維基中文班五毛),但我至少寫得free,同可以發掘啲奇怪IP。

一眾blog友,應該力守自己主場。對我嚟講,我點經營自己嘅blog同page,就係反映我自己對經營新媒體應有嘅態度同睇法。

後話:我個blog其實唔駛點駛server錢,要幫我個blog自負盈虧,不如幫我買多幾枝Keri Lotion,或者買張美國床褥好過。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.