根本成個裁判法院系統已經爛晒

14ls4p4

成晚無瞓,正當無法唔去見周公嘅時候,有人提醒我,香港仲有司法獨立,駛唔駛鬧到WC Li咁狠。

作為一個識法律,但又唔喺業界嘅人,我唔出嚟鬧,邊個出嚟鬧?

裁判法院膠case不斷,早唔係新聞,而且唔係有關社運case膠事連篇,好似WC Li咁經典嘅裁判官,唔係一個兩個,好多案明明按正常criminal case打法唔會定罪嘅案都會定罪,有錢上訴到高院十之八九打甩,因為高院都仲正常嘅(依家我都擔心),但無錢上訴可以點?硬食咯。

其實香港裁判署制度係好有問題,比起英國本土,一般叫太平紳士嘅裁判官,最多可以判人單一定罪最高六個月,累計最高一年嘅監禁。重大啲嘅case都要掟上Crown Court審。香港嘅Mag仔都係至少五年資歷嘅大狀或律師,英格蘭嘅Mag仔都係至少五年資歷嘅大狀、律師或Legal Executive,點解香港Mag仔權力大到乜都審得,一條友揸晒弗,喺英國,District Judge(常任嘅裁判官,因為英國好多裁判官係兼職,同無支薪,果啲叫太平紳士)一條友聽案都會被人質疑唔夠慎重同公正,香港長期Mag仔自把自為亂判案就無人理?

當然香港裁判官唔夠,搵到銀嘅大狀或律師唔考慮做裁判官,又係問題所在。香港嘅司法制度係好多問題,並唔係成棚泛民因各種原因,扮唔知,或真係唔知,以為香港司法仲好公正。低級法院人事選任,以及法律援助嘅改革,遲早都要做,否則香港小市民一定多災多難。

One thought on “根本成個裁判法院系統已經爛晒

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.