英中聯合聲明失效:香港人可以唔理?

Screen Shot 2014-12-03 at 2.15.15 pm

“The chairman of Britain’s Foreign Affairs Committee, Richard Ottaway, told Parliament in an emergency debate that China had signalled the joint declaration “is now void and only covered the period from the signing in 1984 until the handover in 1997.””

香港有啲中產膠,仲未知《英中聯合聲明》失效有幾大連鎖反應,北京講法係啱嘅話,你仲供樓嚟做乜,你嘅房地產價值由今日開始係零。

英中聯合聲明附件三

「一、《聯合聲明》生效前批出或決定的超越1997年6月30日年期的所有土地契約和與土地契約有關的一切權利,以及該聲明生效後根據本附件第二款或第三款批出的超越1997年6月30日年期的所有土地契約和與土地契約 有關的一切權利,按照香港特別行政區的法律繼續予以承認和保護。」

《英中聯合聲明》除咗定立今日嘅憲政基礎,最重要係,你由英治年代至今擁有房產價值得到保證,就係靠呢份條約仍然有效,《英中聯合聲明》如果只係去到1997年6月30日,咁依家中國政府憑乜承認你英治年代買落嘅樓房地產?

當中國單方面撕毀《英中聯合聲明》,咁你作為香港土地擁有者,有乜方法保障你最佳利益,你唔通等到中國城管嚟強收你土地至反抗嘛?

情況可以咁睇:

1. 界限街以南九龍半島,以及香港島土地擁有人:你應該立即要求回歸英國,因為《英中聯合聲明》係喺《北京條約》和《南京條約》仍然生效前提下簽署,換言之,呢兩個地方嘅人可以隨時要求回歸英國,你嘅土地既然係《南京條約》同《北京條約》下嘅產物,梗係回歸英國最著數。

2. 界限街以北九龍半島,以及新界土地擁有人:由於大清帝國已經唔存在,而大清帝國嘅合法繼承者中華民國又唔係聯合國承認嘅國家,所以唯一可以處理方法,係要求聯合國將香港交予英國托管,再行公投,但依家投資界限街以北土地已經屬於愚蠢行為。

啲中年膠,中產膠,係時候醒一醒,依家閣下財產不保。

4 thoughts on “英中聯合聲明失效:香港人可以唔理?

  1. 我覺得香港人既反應十分詫異地「平靜」,係咪未仆過街就唔知痛?定係鴕鳥政策當咩野事都無發生?

    (等緊蠢材藍絲引解放軍入港。)

  2. +1 please. 唔明點解冇人大搞呢單野. 好明顯香港人唔明白咩叫共產黨.

    我覺得香港人既反應十分詫異地「平靜」,係咪未仆過街就唔知痛?定係鴕鳥政策當咩野事都無發生?

    (等緊蠢材藍絲引解放軍入港。)

  3. 雖然AnnexIII係最先講續期, 不過當年都有本地立法正式續50年既..

    《新界土地契約(續期)條例》Cap150 s.6
    本條例所適用契約的年期現予續期,由契約若非因本條例便會屆滿的日期起,續期至2047年6月30日完結時止,無須補繳地價。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.