越嚟越古怪嘅告士打道跌錢案

1419411804_89b7 copy

平安夜無厘頭有解款車跌大批新鈔,單嘢本來已經好耐人尋味,但依家有更多資料出嚟後,單嘢更離奇,有三個疑點,根本係解釋唔到:

1. 用完全無保安嘅一般紅A膠箱嚟運銀紙。乜香港太平到以為天下無賊,可以用咁嘅方法運成億現金?
2. 銀行內部用呢啲膠箱無問題,但就算有公司有人hea到用膠箱運銀紙(但G4S咁嘅跨國公司,夠薑咁玩?),司機無閉路電視睇唔到車尾有無人偷錢?
3. 勤力德啲廢鐵,全香港道路使用者都聞風喪膽,都未聽聞有貨van失修,蘋果日報漫天飛舞,點解個司機唔知個門開咗?

成件事已經去到匪夷所思程度,如果唔係涉及洗黑錢,或繞過香港聯繫匯率機制,無將美金交俾金管局自行印港紙,我諗唔到仲有乜理由。

如果警察唔係想轉移視線,果團中國遊客應該全部拉返差館查,但依家人呢?叫人自首?想側側膊放走主犯?

3 thoughts on “越嚟越古怪嘅告士打道跌錢案

  1. 絕對係用呢d箱裝錢,有咩問題?但件事都有好多疑點,點可能司機睇鏡睇唔到側門開左?後面兩個點會塞埋坐係前面?直路一條點會跌錢出去?加上車內聲音一定唔同左,4條友點會唔知?

  2. 1,2我唔講,有人講過G4s係用膠箱,佢有特製封條,即係開左會發現嗰d,至於3,新聞都講左,押送時無論發生咩事都唔可以停下,係員工守則!所以只可以返左公司先。

  3. 用呢d箱裝錢「有咩問題」?
    冇防盜既解款箱冇問題?
    萬一劫匪劫咗箱錢可以隨便打開拿來用冇問題???
    香港發鈔銀行係咪黐咗線

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.