左膠與墳總之戰

Screen Shot 2015-03-28 at 3.16.01 pm

墳總一言,一石激起千層浪。雖然我同鄧小樺自大學相識,反而青永屍我唔知佢乜水,但呢次,我係企喺青永屍呢邊。

我唔係文化人,但我身邊嘅人係,我老豆係西畫攞獎,我女友都係搞藝術創作。但亦因為係咁,我睇盡香港文化界核突嘅一面。

政府資助文化我唔反對,呢個係建構國家文化所必須。但用公帑資助文化,一定要做到三點:
1. 令更多有心有興趣嘅人投身創作。
2. 令更多人對欣賞作品有興趣
3. 令最高水平嘅高手可以安心創作,再創高峰。

呢班左膠,做唔到第2點,唔駛講。第1至第3點都做唔到,呢幾年,呢班友有無fight更多資助,容納更多藝術人受資助?無囉。你睇火炭幾多藝術家艱苦經營?依家攞緊資助係唔係最高水平高手?唔係囉。

點睇係唔係,睇香港藝術雙年獎就知,英國統治年代,雙年獎決定入圍,兩輪都係有國際評判參與,所以屢有新人新進入圍,水平好高。1997年後,第一輪決選評審全部都係香港藝術界同政府熟班友,結果變晒塘水滾塘魚嘅打飛機遊戲,公信力全失。

以墳總枝筆之勁,以往一早好似陶傑咁攞咗香港文學獎喇。點解墳總搞到化身青永屍寫抽水文,你班文化人個個無撫心自問架?

西方呢幾年,都質疑文學創作者收資助,或喺大學教書再創作文學,因為題材離晒地,脫離讀者共鳴,無觀察生活寫嘅文學,同TVB膠劇有乜分別?寫作又好,搞創作都好,有基本營生令自己唔同社會脫節,某程度係必須,呢班友又有無反省過?

墳總唔係文化圈,批評未必夠準,但由於我依家係商家佬,所以我亦唔怕得罪呢班友。我鍾意寫小說,我鍾意寫書法,但如果我要出書,我會自己搞掂,墳總鬧你班友咬老綜,係恨鐵不成鋼,當然,左膠永遠不受批評,所以至搞到咁大反應。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.