抽水市場學背後嘅政治

IMG_0916

小弟下午將Snickers嘅抽水系列廣告上傳到facebook,結果一晚就推上報,仲要有人即整咗個抽水機,掀起抽水熱潮。

其實最早抽政治人物水而成功推銷產品,應推今年年初二麒麟啤之役,希師奶被車公廟隻麒麟撞親,人人心情舒泰,日本麒麟啤facebook page乘機抽劑勁,最後連田大少都當眾飲麒麟啤,抽到希師奶變人乾,成為抽水市場學嘅經典案例。

螢幕快照 2015-05-31 下午9.47.50

喺法蘭西同英國,咁抽水嚟推銷產品係好正常,但香港嘅港資公司礙於要向北京叩頭,一定唔敢玩。而香港抽水市場學成功最大原因,因為人人都好憎土共同政府,所以任何公司抽佢地水都會有消費者大力響應。我可以咁講,抽水市場學雖然好好玩,但亦係臨界點將臨嘅信息嚟,大家一定要留意。

(對付抄報時間:喺呢單新聞,蘋果日報得到我親自授權用我嘅相,並且俾番credit我,明報雖然未問我攞授權,但都有俾番credit我。有網絡媒體大大聲鬧另一個網絡媒體抄嘢,但呢次無俾番credit我,大家估吓邊間?我支持寰雨膠事錄對付抄報嘅方針,見一間抽一間。)

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.